सातारा जिल्हा बनतोय ड्रग्सचा अड्डा!:सावरीनंतर आता पाचगणीतून 5 लाखांचे कोकेन जप्त, 10 जणांना अटक

महाराष्ट्रात गेल्या अनेक दिवसांपासून विविध ठिकाणी ड्रग्सचे साठे आढळून येत आहेत. सातारा जिल्ह्यातील प्रसिद्ध पर्यटन स्थळ असलेल्या पाचगणीमध्ये देखील अशीच घटना उघडकीस आली आहे. पाचगणी पोलिसांनी वाहन तपासणीवेळी एका गाडीतून तब्बल 42 लाख रुपयांचा मुद्देमाल जप्त केला आहे. पाचगणीत अमली पदार्थांचा वापर केला जात असल्याची गोपनीय मानीती पोलिसांना मिळाली होती. या माहितीच्या आधारे पोलिसांनी तपासणी सुरू केली आहे. गोपनीय माहितीच्या आधारे पोलिसांनी वाहनांची तपासणी सुरू केली आहे. या तपासणी दरम्यान एका गाडीतून कॅप्सुलसह 13 ग्रॅम कोकेन जप्त केले आहे. याची आंतरराष्ट्रीय बाजारपेठेत जवळपास 5 लाख रुपये किंमत आहे. तसेच या गाडीतून ताब्यात घेण्यात आलेल्या इतर सामग्री मिळून एकूण 42 लाख रुपये किमतीचा मुद्देमाल पोलिसांनी जप्त केला आहे. तसेच या प्रकरणी 10 संशयित आरोपींना पोलिसांनी अटक केली आहे. पोलिसांनी ताब्यात घेतलेल्या संशयित आरोपी हे पर्यटनाच्या बहाण्याने पाचगणीत आले होते. तसेच आता पोलिस आणि स्थानिक गुन्हे शाखेच्या पोलिसांनी अमली पदार्थ विरोधी कायद्यांतर्गत गुन्हा दाखल करण्याची प्रक्रिया सुरू केली आहे. हे अमली पदार्थ कुठून आणले गेले आणि यात आणखी कोणाचे मोठे रॅकेट सक्रिय आहे का? या दिशेने सातारा पोलिसांनी तपास सुरू केला आहे. सातारा जिल्ह्यातील सावरी गावात 45 किलो ड्रग्स जप्त सातारा जिल्ह्यातील सावरी गावातील असणाऱ्या शेडवर मुंबई पोलिसांनी टाकलेल्या धाडीत 45 किलो ड्रग्सचा साठा सापडला होता. या ड्रग्सची बाजारपेठेतील किंमत 145 कोटी रुपये इतकी आहे, त्या ठिकाणी काम करत असलेल्या तिघांना एकनाथ शिंदे यांचा भाऊ प्रकाश शिंदे यांच्या जावळी तालुक्यातील हॉटेल तेजयशमधून जेवण जात असल्याचा आरोप शिवसेना ठाकरे गटाच्या उपनेत्या सुषमा अंधारे यांनी केला आहे. तसेच या प्रकरणी सुषमा अंधारे यांनी एकनाथ शिंदे यांच्या राजीनाम्याची देखील मागणी केली आहे. वाचा सविस्तर