संभाजीनगरात विश्वासघाताचा कळस!:प्लॉटिंगमधील रस्ता विकून 2.89 कोटींची फसवणूक; सातबारा दाखवून स्टॅम्प ड्युटी भरत केली विक्री

आधीच प्लॉटिंग झालेल्या जागेतील रस्त्याच्या जागेचा‎७/१२ दाखवून त्याचा खरेदीखत, स्टॅम्प ड्यूटी भरून‎विक्री केली. मात्र मूळ जागा मालकाने सर्व कागदपत्रे‎समोर मांडल्यावर हा फसवणुकीचा प्रकार समोर‎आला. यात भाजपच्या बीड येथील शहराध्यक्ष अशोक‎चांदमल लोढा (६१, रा. गणेश हाउसिंग सोसायटी,‎जालना रोड, जि. बीड) यांची २ कोटी ८९ लाख ८९‎हजार ४२० रुपयांची फसवणूक केली आहे. याप्रकरणी‎सातारा पोलिस ठाण्यात मंजिरी आलोक चौधरी, स्वप्ना‎विद्याधर बडीगणवार, मोहिनी दिलबागसिंग, जावेद‎नूरखाँ पठाण, सुरेश सीताराम इंगळे, बद्रीनारायण‎नागोराव करे, साहेबराव कचरू घुगे, बाबुराव‎आनंदराव ताठे यांच्यावर गुन्हा दाखल केला आहे.‎ लोढा यांच्या तक्रारीनुसार, २०२३ मध्ये सातारा‎परिसरातील गट नंबर २० मधील १०३.५५ आर जमीन‎विक्री होत असल्याचे समजले. त्यानुसार त्यांची‎आरोपींशी भेट झाली. त्यांच्यात ११ जुलै २०२३ रोजी‎नोटरीद्वारे करार झाला. यात प्रतिएकर २ कोटी ४० लाख‎रुपये प्रमाणे खरेदी करण्याचे ठरवले होते. त्यानुसार २०‎जुलै रोजी आरोपींनी मैत्रेय प्लॉटिंग सेंटर या फर्मच्या‎नावाने इसार पावती करून दिली. त्यावेळी एकूण ५०‎लाख रुपये देऊन १० लाख रुपये मोजणीसाठी दिले होते.‎ तीन वेगवेगळे खरेदीखत करत‎३५.५४ लाख स्टॅम्प ड्यूटी भरली‎ लोढा यांनी १८ एप्रिल २०२४ रोजी आठही‎आरोपींच्या ताब्यात असलेल्या मौजे‎साताऱ्यातील जमिनीचे तीन वेगवेगळे‎खरेदीखत करण्यात आले. यात ३३.५५ आर, ३५‎आर व ३५ आर असे भाग करण्यात आले होते.‎यासाठी एकूण १ कोटी ६१ लाख ०९ हजार ७२०‎रुपये चेकच्या माध्यमातून देण्यात आले होते.‎तसेच स्टॅम्प ड्यूटीसाठी ३५ लाख ५४ हजार‎७०० रुपये व दस्तऐवज शुल्क २५ हजार‎रुपयेदेखील भरण्यात आले.‎ तार कुंपण करताच मूळ‎मालकाने केले उद्ध्वस्त‎ खरेदीखत पूर्ण झालेले असल्याने आता तुम्ही‎जमिनीचा ताबा घेऊ शकता असे आरोपींनी‎सांगितले. त्यामुळे १५ लाख खर्च करून संपूर्ण‎जमिनीचे सपाटीकरण करून त्याच्याभोवती‎वॉल कंपाउंड करण्यात आले. त्यानंतर २६ मार्च‎२०२५ रोजी जमिनीचे मूळ मालक राजीव‎खेडकर यांनी व त्यांचा वॉचमन पवन दिलीप‎सोनवणे यांनी जमिनीवरील पत्र्याची रूम पाडून‎टाकली. तसेच फिर्यादीने ठेवलेल्या ‎वॉचमनलाही हाकलून लावले.‎ प्रकार उघडकीस आल्यावर दुसऱ्याला विकण्याची ऑफर‎ संबंधित जमीन खेडकर यांनी १९८४ सालीच‎खरेदी केली असल्याचे समोर आले. याची‎पूर्ण शहानिशा केल्यावर लोढा यांनी‎आरोपींना याचा जाब विचारला. त्यावर‎त्यांनीच घोटाळा केला असावा अशी शंका‎निर्माण केली.‎ तुमचे पैसे परत करण्यासाठी आता जमीन‎तिसऱ्या माणसाला विक्री करून देण्याची‎ऑफरदेखील फिर्यादीला आरोपींच्या वतीने ‎देण्यात आली आहे.‎