नितेश क्षीरसागर कळंब प्रतिनिधी
कळंब विद्यार्थ्यांची स्पर्धा परीक्षांसाठी तयारी व्हावी या उद्देशाने शिवशक्ती उच्च प्राथमिक शाळेत वर्षभर राबविण्यात येणाऱ्या सामान्य ज्ञान उपक्रमांतर्गत सामान्य ज्ञान स्पर्धा १२ मार्च २०२६ रोजी शाळेच्या परिसरात उत्साहात पार पडली.
इयत्ता तिसरी ते सातवीपर्यंतच्या सुमारे १५० विद्यार्थ्यांनी स्पर्धेत सहभाग घेतला. विद्यार्थ्यांनी अभ्यासपूर्ण प्रश्नपत्रिका सोडवत स्पर्धा यशस्वीरीत्या पूर्ण केली.
स्पर्धेत कु.आरुषी अनिल फुलकर यांनी प्रथम क्रमांक, कु. दिव्या गणेश जवादे यांनी द्वितीय क्रमांक तर कु. समृद्धी दिनेश ठेंगरी यांनी तृतीय क्रमांक पटकावला.
स्पर्धेस शाळेचे मुख्याध्यापक आशिष महाजन यांचे मार्गदर्शन लाभले. समन्वयक व संयोजक म्हणून मनोज शिवरकर यांनी जबाबदारी सांभाळली. तसेच प्रवीण देशमुख, सौ. प्रांजली दरणे, कु. शालू सदाफळे, मयूर होले व शिवम चांदोरे यांनी स्पर्धेच्या यशस्वीतेसाठी विशेष परिश्रम घेतले.