मारेगाव तालुक्यातील सोनू पोड (सराटी) येथील घटना
आत्महत्येचे नेमके कारण गुलदस्त्यात
सुरेश पाचभाई | मारेगाव
मारेगाव :- तालुक्यातील मुक्ता (दांडगाव) येथील युवकाने सोनू पोड (सराटी) येथे गळफास घेऊन आत्महत्या केल्याची घटना मंगळवार, दि. 13 जानेवारी 2026 रोजी दुपारी सुमारे 2 वाजताच्या सुमारास उघडकीस आली. या घटनेमुळे संपूर्ण परिसरात हळहळ व्यक्त करण्यात येत आहे.
आत्महत्या केलेल्या युवकाचे नाव नितेश कवडू आत्राम (वय 26) रा. मुक्ता (दांडगाव), ता. मारेगाव असे आहे. नितेश हा आठ दिवसांपूर्वी मुक्ता येथून आपल्या मामाच्या घरी मुक्कामी राहण्यासाठी सोनू पोड (सराटी) येथे आला होता.
A young man commits suicide by hanging himself.The incident took place in Sonu Pod (Sarati) in Maregaon taluka.
The exact reason for the suicide remains unknown.
मंगळवारी सकाळी नितेशने मामाच्याच्या घरातील काही व्यक्तींना शौचालयासाठी जात असल्याचे सांगून घराबाहेर पडला. मात्र बराच वेळ लोटूनही तो परत न आल्याने नातेवाइकांनी त्याचा शोध सुरू केला. शोधादरम्यान सोनू (पोड)जवळील जंगलात नितेशने गळफास घेऊन आत्महत्या केल्याचे निदर्शनास आले.
घटनेची माहिती तात्काळ पोलीस पाटील यांना देण्यात आली. पोलीस पाटील यांनी मारेगाव पोलीस ठाण्याला घटनेची माहिती दिली. पोलिसांनी घटनास्थळी भेट देऊन पंचनामा केला. त्याचा मृतदेह उत्तरीय तपासणीसाठी ग्रामीण रुग्णालय मारेगाव येथे पाठविण्यात आला आहे.
आत्महत्येचे नेमके कारण अद्याप स्पष्ट झाले नसून, या प्रकरणाचा पुढील तपास मारेगाव पोलीस करीत आहेत.नितेशच्या पश्चात आई-वडील, एक भाऊ व दोन बहिणी असा आप्त परिवार असून, कुटुंबावर दुःखाचा डोंगर कोसळला आहे.
