आमदार फंडातून कब्रस्तानासाठी १५ लाखांची घोषणा
तालुका प्रतिनिधी झरी जामणी
झरी जामणी: तालुक्यातील पाटण पवित्र रमजान महिन्याच्या निमित्ताने पाटण तालुक्यातील झरी येथे दिनांक 14 मार्च रोजी आयोजित करण्यात आलेल्या महिला इफ्तार पार्टीने सामाजिक ऐक्य, महिला सक्षमीकरण आणि सर्वधर्म समभावाचा प्रेरणादायी संदेश दिला.
सामाजिक कार्यकर्त्या किरणताई देरकर यांच्या पुढाकारातून पार पडलेला हा उपक्रम स्थानिक पातळीवर लोकाभिमुख ठरत असून समाजातील विविध घटकांना एकत्र आणणारा आदर्श उपक्रम ठरला आहे.या प्रसंगी वणी विधानसभा क्षेत्राचे आमदार संजय देरकर यांनी उपस्थितांना संबोधित करताना समाजातील एकोपा आणि परस्पर सहकार्याची गरज अधोरेखित केली.
तसेच पाटण येथील कब्रस्तानाच्या विकासासाठी आमदार निधीतून १५ लाख रुपये मंजूर करण्यात आल्याची घोषणा त्यांनी केली. या घोषणेमुळे उपस्थितांनी समाधान व्यक्त करत आमदारांचे आभार मानले.कार्यक्रमाला किरणताई देरकर यांनी मार्गदर्शन करताना सांगितले की, “जनसेवा हीच ईश्वर सेवा” या भावनेतून समाजोपयोगी उपक्रम राबविण्याचा आपला प्रयत्न असून महिला सक्षमीकरण, सामाजिक सलोखा आणि धर्मनिरपेक्षतेचा संदेश देणारे असे उपक्रम पुढेही सुरू ठेवले जातील.
या कार्यक्रमास सतीश आदेवार, राजीव कासावार, संतोष कुचनकार, मंगेश मोहितकर, हरिदास गुर्जरलवार, बाबूजी शेख, डॉ. बाबनजी, विनोदज उपरवार, शेख हसन, हमजदजी शेख, सिताराम पिंगे, नेताजी पारखी, ममताताई पारखी, छाबुताई आसुटकर, अमिना पठाण, सुरेखा ढेंगळे, राहुल दांडेकर यांच्यासह पाटण येथील मस्जिद कमेटी तसेच दिग्रस येथील कमेटी सदस्य अशोक बरपटवार, संदीप विंचू, बापुराव लक्षेट्टीवार, राजरेड्डी म्याकलवार, विजय पानघंटीवार, सरफराज बाडलवार आदी मान्यवर मोठ्या संख्येने उपस्थित होते.
विशेष म्हणजे या इफ्तार पार्टीला मुस्लिम महिला-पुरुषांची उत्स्फूर्त उपस्थिती लाभली. सामाजिक सलोखा, बंधुता आणि महिला सहभाग यांचा सुंदर संगम या कार्यक्रमात पाहायला मिळाला.
एकंदरित, किरणताई देरकर यांच्या पुढाकारातून आयोजित महिला इफ्तार पार्टीने पाटण परिसरात सामाजिक एकात्मता आणि महिला सक्षमीकरणाचा सकारात्मक संदेश देत आदर्श उपक्रमाची नोंद निर्माण केली आहे.
