बातमी ऐका (Marathi Voice Reader)
रुपाली चाकणकर यांनी महिला आयोगाच्या पदाचा गैरवापर करत अशोक खरात सारख्या लोकांना पाठबळ दिले. त्यांनी महिला आयोगाच्या पदाचा मान राखला नाही. महिला म्हणून रुपाली चाकणकर यांनी कुणी टार्गेट करत नाहीये. तुम्ही जे केले ते तुम्हाला भोगावे लागत आहे, असे करुणा मुंडे यांनी म्हटले आहे. करुणा मुंडे म्हणाल्या की, संपदा मुंडे, पुजा चव्हाण, गौरी गर्जे, करुणा मुंडे, रेणू शर्मा या प्रकरणात तुम्ही कुणाची बाजू घेतली. चाकणकर खरातांना गुरू मानत होत्या आणि त्यांच्याबद्दल काहीच माहिती नव्हते. ज्यांच्याविरोधात तुमच्याकडे तक्रारी आल्या त्यावर तुम्ही काय केले. संपदा मुंडेला न्याय मिळवून दिला का तुम्ही? तुमच्यावर अटकेची तलवार आहे. लोकप्रतिनिधींनी जनतेला साथ दिली पाहिजे अशा प्रवृत्तीच्या लोकांना नाही. काम करणाऱ्या महिलेकडे आयोगाचे पद द्यावे करुणा मुंडे म्हणाल्या की, रुपाली चाकणकर यांना पाठिंबा देणाऱ्या लोकांनी थोडासा विचार केला पाहिजे की आपण काय करतो आहोत. चुकीचे काम करणाऱ्याविरोधात आम्ही लढत राहणार आहोत. मागच्या वेळी आम्ही धनंजय मुंडे यंचा राजीनाम्यासाठी प्रयत्न केले आणि आता रुपाली चाकणकर यांना राजीनामा द्यावा लागला. लवकरात लवकर चांगली महिला आयोगाच्या अध्यक्षपदी मुख्यमंत्र्यांनी नेमावी अशी मी सीएम फडणवीस यांनी विनंती करते. महिला आयोगाच्या अध्यक्षा रूपाली चाकणकर यांच्या विरोधात 2023पासून त्यांनी पुकारलेल्या युद्धाला अखेर यश आले असून, चाकणकर यांना आपल्या पदाचा राजीनामा द्यावा लागला आहे. धनंजय मुंडेंच्या ‘त्या’ घटनेची पुनरावृत्ती महाराष्ट्राच्या राजकारणात यापूर्वी जेव्हा धनंजय मुंडे यांच्या संदर्भात मोठे वादळ उठले होते, तेव्हाही करुणा मुंडे यांनी दिलेली तारीख आणि वेळ खरी ठरली होती. आजही नेमकी तशीच परिस्थिती पाहायला मिळाली. यामुळेच आता राजकीय वर्तुळात ‘करुणा मुंडे फॅक्टर’ची दहशत निर्माण झाली आहे. स्वराज्य शक्ती सेनेच्या माध्यमातून त्यांनी सुरू केलेली ही मोहीम आता भ्रष्ट आणि कर्तव्यशून्य व्यवस्थेला हादरा देणारी ठरत आहे. एका स्त्रीने ठरवले तर ती मोठ्या मोठ्या सत्ताधाऱ्यांना जमिनीवर आणू शकते, हे त्यांनी पुन्हा एकदा सिद्ध केले आहे.
