सुरेश पाचभाई मारेगाव
मारेगाव: वणी–यवतमाळ मार्गावरील गौराळा खदानजवळ 23 मार्च रोजी सायंकाळी सुमारे 7 वाजताच्या सुमारास भीषण अपघात घडून एका तरुणाचा दुर्दैवी मृत्यू झाला. या घटनेमुळे परिसरात हळहळ व्यक्त होत आहे.
मुक्टा (ता. मारेगाव) येथील नारायण पंढरी पोईनकर (वय 35) हे आपल्या स्प्लेंडर दुचाकीने मारेगावहून वणीच्या दिशेने जात असताना रस्त्यावर उभ्या असलेल्या टिप्परला जोरदार धडक दिली. या अपघातात ते गंभीर जखमी झाले.
घटनेची माहिती मिळताच स्थानिक नागरिकांनी तत्काळ पोलिसांना कळवून साई मित्र परिवाराच्या ॲम्बुलन्सद्वारे त्यांना मारेगाव येथील ग्रामीण रुग्णालयात दाखल केले. मात्र, वैद्यकीय अधिकाऱ्यांनी तपासणीअंती त्यांना मृत घोषित केले.
या प्रकरणाचा पुढील तपास ठाणेदार श्याम वानखेडे यांच्या मार्गदर्शनाखाली सहाय्यक पोलिस उपनिरीक्षक दिगांबर किनाके करीत आहेत.