सुरेश पाचभाई मारेगाव
मारेगाव तालुक्यातील मांगरुळ येथील कु. आर्या मनोज धंदरे हिने CBSE इयत्ता १० वीच्या परीक्षेत 97.40% गुण मिळवत उल्लेखनीय यश संपादन केले आहे. तिच्या या यशामुळे परिसरात तिचे सर्वत्र कौतुक होत आहे.
आर्या ही मांगरुळ येथील यशस्वी उद्योजक मनोज गोरखनाथ धंदरे व सौ. दिप्ती मनोज धंदरे यांची कन्या असून ती वणी येथील अल्फोर्स स्वर्णलीला इंटरनॅशनल स्कूलची विद्यार्थिनी आहे. विशेष बाब म्हणजे, तिने कोणत्याही बाह्य मार्गदर्शनाशिवाय (कोचिंग क्लासेसशिवाय) हे यश मिळवले आहे.
पुढील शिक्षणासाठी आर्याने त्याच शाळेत राहून JEE परीक्षेची तयारी करण्याचा निर्णय घेतला असून अभियंता होण्याचे तिचे ध्येय आहे. तिच्या या यशामागे सातत्यपूर्ण मेहनत, शिस्तबद्ध अभ्यास तसेच शाळा व कुटुंबीयांचे मार्गदर्शन हे महत्त्वाचे घटक ठरले आहेत.
आर्याने तिच्या यशाचे श्रेय शिक्षक, शाळा प्रशासन, पालक व शुभचिंतक यांना दिले असून त्यांच्या मार्गदर्शन व पाठिंब्याबद्दल कृतज्ञता व्यक्त केली आहे.
तिच्या या उल्लेखनीय यशाबद्दल सर्व स्तरातून अभिनंदनाचा वर्षाव होत असून तिच्या उज्ज्वल भविष्यासाठी सर्वत्र शुभेच्छा व्यक्त केल्या जात आहेत.