जिल्हा खनिज प्रतिष्ठान विकास अंतर्गत ६० लाख निधि मंजुर करण्याची मागणी
ज्ञानेश्वर आवारी उपसंपादक झरी जामणी
झरी जामणी मार्की खु . ते सालेट्टी २ कि.मी. अंतर असलेल्या या जोडरस्त्याची अवस्था अतिशय वाईट झाली आहे. रस्यावरील डांबर नाहीसे झाले असुन गिट्टी उखळलेली आहे. मार्गानेदुचाकी चालविणे कठीण झाले आहे.शेतकऱ्यांना बैल गाडी नेताना बालांच्या पायांना इजा झाल्या आहे. झरी, घोन्सा ,वणी कडे जाण्या करिताहा मार्ग महत्वाचा असुन हजारो लोक ये जा करतात.
शालेय विद्यार्थी , वृद्ध ,महिला यांना जाण्यास त्रासदायक बनला आहे.गेल्या दोन तीन वर्षा पासुन ही अवस्था असुन वृत्तपत्रातून याविषयी अनेक बातम्या प्रसारित करत दुरुस्तीची मागणी करण्यात आली.मात्र आता मागणीची दखल घेवून वणी मतदार संघाचे आमदार संजय देरकर यांनी जिल्हा खनिज प्रतिष्ठान विकास निधी अंतर्गत सालेभट्टी मार्की खु . २. ०० की मी अंतरातील १ .५०० की.मी रस्ता नुतणीकरण व डांबरीकरण करण्यासाठी जिल्हाधिकारी तथा अध्यक्ष जिल्हा खनिज प्रतिष्ठान यांच्याकडे ६० लाख निधी मंजुरीचा प्रस्ताव पाठविला आहे.
मुख्य कार्यकारी अधिकारी जि.प. यवतमाळ व कार्यकारी अभियंता जि.प. बांधकाम विभाग क्र.१ यवतमाळ यांना प्रतिलिपी सादर करण्यात आल्या आहे.मात्रथोडा आणखी त्रास सहन करावा लागणार असला तरी हा मार्ग दुरुस्ती होईल अशी अपेक्षा आहे .
