बातमी ऐका (Marathi Voice Reader)
सातारा येथे पार पडलेल्या ५२ व्या हिंद केसरी स्पर्धेमध्ये हिंदी केसरीची गदा सोलापूर जिल्ह्यातील मंगळवेढा तालुक्यातील शिरसी गावचा सुपुत्र ट्रिपल उपमहाराष्ट्र केसरी महेंद्र गायकवाड यांनी उचलून तालुक्याचे नाव जगपातळीवर झळकावले आहे. सोलापूर जिल्ह्यातील व मंगळवेढा तालुक्यातील तो पहिला हिंदकेसरी ठरला आहे.तीन वेळा उप महाराष्ट्र केसरी ठरलेला महिंद्रा गायकवाड आणि महाराष्ट्र केसरीचा किताब पटकावणारा पृथ्वीराज मोहोळ यांच्यात ही लढत पार पडली. कुस्तीमहर्षी पै.साहेबराव पवार यांच्या शतकपूर्ती वर्षानिमित्त भारतीय शैली कुस्ती महासंघ भारत, महाराष्ट्र राज्य भारतीय शैली कुस्ती संघाच्या मान्यतेने राजेश्वर प्रतिष्ठान सातारा व तालीम संघ सातारा यांच्या सहकार्याने छत्रपती शाहू स्टेडियम येथे ५२ व्या हिंदकेसरी कुस्ती स्पर्धा पार पडल्या. यावेळी जागतिक कुस्ती संघटनेच्या अध्यक्षा, किर्गीस्तानच्या माजी उपपंतप्रधान सुलताना बेकोवा, पालकमंत्री शंभूराज देसाई, भारतीय शैली कुस्ती महासंघाचे अध्यक्ष हिंदकेसरी संजयकुमार आदी मान्यवर पैलवान उपस्थित होते. आमदार समाधान आवताडे, धनश्री परिवाराचे शिवाजीराव काळुंगे, जिल्हा मध्यवर्ती बँकेचे संचालक बबनराव आवताडे, दामाजीचे चेअरमन शिवानंद पाटील,भैरवनाथचे चेअरमन अनिल सावंत,विठ्ठलचे माजी चेअरमन भगीरथ भालके यांनी अभिनंदन केले. पृथ्वीराजवर मात करत पटकावली गदा अन् थार कार कुस्तीला सुरुवात झाल्यानंतर महेंद्रने आक्रमक पवित्रा घेतला होता. महेंद्र गायकवाडने एकेरी पट काढल्या नंतर दुसरा डाव टाकताना पृथ्वीराज मोहोळचा हाताला दुखापत झाली. पृथ्वीराज मोहोळने माघार घेतल्यानंतर कुस्ती थांबवण्यात आली. व महिंद्रा गायकवाड यांना हिंदकेसरी विजयी घोषित करण्यात आले. विजय घोषित करताच महेंद्रला अश्रू अनावर झाले. या ऐतिहासिक विजय पदासाठी त्यांनी मानाची हिंदकेसरी गदा, एक थार गाडी आपल्या नावावर केली.
