बातमी ऐका (Marathi Voice Reader)
हिंगोली तालुक्यातील पिंपळखुटा शिवारात विहिरीच्या कामावरून एकाच कुटुंबातील चौघांना मारहाण करून गंभीर जखमी केल्याची घटना घडली आहे. या प्रकरणी हिंगोली ग्रामीण पोलिस ठाण्यात चौघांवर शुक्रवारी ता. 12 गुन्हा दाखल झाला आहे. पोलिसांनी दिलेल्या माहितीनुसार, गारमाळ येथील युसुफ भिका नंदावाले यांचे पिंपळखुटा शिवारात शेत आहे.या शेतात विहिरीचे काम करण्यात आले आहे. मात्र मजूरांच्या कारणावरून युसुफ यांचा कासम नंदावाले याच्यासोबत वाद झाला. यावेळी कासम याने तु विहीरीच्या कामावरील मजूरांना आमच्या शेतातील विहीरीचे काम लवकर का करू दिले नाही या कारणावरून शिवीगाळ करण्यास सुरवात केली. दोघांमधील शाब्दिक चकमकीनंतर वाद वाढत गेल्याने दोन्ही कुटुंब समोरा समोर आले. यावेळी लोखंडी रॉड, काठ्या, तलावारीने हाणामारी झाली. या मारहाणीत युसुफ हे जखमी झाले. तसेच भांडण सोडविण्यासाठी आलेल्या युसुफ यांच्या पत्नी व मुले रफीक व फेरोज मध्ये पडले असता त्यांनाही मारहाण करून जखमी करण्यात आले. तसेच विहीरीच्या कामावरील मजूरांना देण्यासाठी आणलेले 30 हजार रुपेय कासम व इतरांनी काढून घेतले. या मारहाणीत जखमी झालेल्या चौघांना उपचारासाठी हिंगोलीच्या लक्ष्मी लाईफ केअर हॉस्पीटलमध्ये दाखल करण्यात आले आहे. या प्रकरणी युसुफ नंदावाले यांच्या तक्रारीवरून हिंगोली ग्रामीण पोलिसांनी कासम नंदावाले, शकील नंदावाले, रज्जाक नंदावाले आणि आसिफ नंदावाले यांच्या विरुध्द गुन्हा दाखल केला आहे. पोलिस निरीक्षक विष्णुकांत गुठ्ठे, उपनिरीक्षक राहुल घुले, जमादार बाळासाहेब खोडवे पुढील तपास करत आहेत.
