बातमी ऐका (Marathi Voice Reader)
जळगाव जिल्ह्यातील पाळधी येथे ११ ते १५ जून दरम्यान आयोजित पहिल्या कब क्लास, कॅडेट व सब-ज्युनिअर मुला-मुलींच्या राज्य अजिंक्यपद बॉक्सिंग स्पर्धेत जिल्हा प्रशिक्षण केंद्राच्या खेळाडूंनी उल्लेखनीय कामगिरी करत ३१ पदके पटकावली. यात ७ सुवर्ण, १० रजत आणि १४ कांस्य पदकांचा समावेश आहे. सब- ज्युनिअर मुलींच्या गटात स्वराली वानखेडे आणि मनस्वी सावंग यांनी सुवर्णपदके जिंकली. त्रिशा पटके हिने रजत तर परिधी तायडे हिने कांस्य पदक पटकावले. सब-ज्युनिअर मुलांच्या गटात रुद्र पानकर याने सुवर्णपदक मिळवले. अंश धकाते, अरहम अली खान, अथर्व गवई, सार्थक अंभोरे व शौर्य खाडे यांनी रजत पदके जिंकली. तर अजमल निमसूरवाले, मयंक पवार, आर्यन घुसले, शादाब रेगीवाले व आदर्श खारोडे यांनी कांस्यपदकांची कमाई केली. कॅडेट मुलींच्या गटात निहारिका गनवीर हिने सुवर्णपदक जिंकले. तर रसिका झांबरे, अवनी ठोसर आणि सेलिना चव्हाण यांनी कांस्यपदके मिळवली. कॅडेट मुलांच्या गटात संम्यक वाहूरवाघ, शिबान खान आणि हर्ष बनसोड यांनी सुवर्णपदके जिंकून अकोल्याचा झेंडा उंचावला. यश काटकर याने रजत पदक तर सक्षम संद्री, सय्यद सकलेन, मोईन खान आणि अंगत पटके यांनी कांस्यपदके मिळवली. कब क्लास मुलांच्या गटात अद्वैत वानखेडे, हर्ष यादव आणि सिद्धेश वानखेडे यांनी रजतपदके पटकावली. तर युग गोगलिया याने कांस्यपदक मिळविले. या उल्लेखनीय यशामागे जिल्हा क्रीडा अधिकारी तथा आंतरराष्ट्रीय बॉक्सिंग प्रशिक्षक सतीशचंद्र भट्ट यांचे मोलाचे मार्गदर्शन लाभले. तसेच सहायक प्रशिक्षक गजानन कबीर, आदित्य मने, योगेश निषाद आणि सय्यद साद यांच्या अथक परिश्रम, शिस्तबद्ध प्रशिक्षण आणि खेळाडूंच्या जिद्दीचे हे यश मानले जात आहे. राष्ट्रीय स्पर्धेसाठी निवड स्पर्धेत विशेष चमक दाखवत रुद्र पानकर, स्वराली वानखेडे आणि मनस्वी सावंग यांनी सुवर्णपदके पटकावली. त्यांच्या उत्कृष्ट कामगिरीची दखल घेत या तिन्ही खेळाडूंची पंजाब येथे होणाऱ्या राष्ट्रीय बॉक्सिंग स्पर्धेसाठी निवड करण्यात आली आहे. अकोला जिल्ह्याच्या या यशाबद्दल जिल्हाधिकारी वर्षा मीना, आंतरराष्ट्रीय बॉक्सिंग प्रशिक्षक सतीशचंद्र भट्ट, प्रशिक्षक गजानन कबीर, योगेश निषाद, आदित्य मने आणि सय्यद साद यांनी सर्व खेळाडूंचे अभिनंदन करून राष्ट्रीय स्पर्धेसाठी शुभेच्छा दिल्या आहेत.
