बातमी ऐका (Marathi Voice Reader)
राज्याचे मंत्री गिरीश महाजन यांचे एका तरुणीसोबतचे फोटो गुरुवारी सोशल मीडियावर मोठ्या प्रमाणात व्हायरल झाले. हे फोटो एआयच्या मदतीने मॉर्फ असल्याचा दावा करण्यात आला असून, याप्रकरणी जळगाव सायबर पोलिसांत गुन्हा दाखल करण्यात आला आहे. जळगावचे नगरसेवक अरविंद भगवान देशमुख यांनी या प्रकरणी तक्रार दिली आहे. त्यांच्या तक्रारीनुसार, भरत मस्के नावाच्या फेसबुक युजरने मंत्री महाजन यांचे फोटो एआयद्वारे मॉर्फ करून आक्षेपार्ह आणि बदनामीकारक मजकूर प्रसारित केला आहे. या तक्रारीवरून सायबर पोलिसांनी बीएनएस कलम ३५६, ३(५) तसेच आयटी ॲक्ट कलम ६६(सी) आणि ६७ नुसार गुन्हा नोंदवला आहे. फोटो मॉर्फिंग हा सायबर गुन्हा एखाद्या व्यक्तीचा फोटो तंत्रज्ञानाच्या मदतीने बदलून तो चुकीच्या पद्धतीने पसरवणे हा सायबर गुन्हा आहे. माहिती तंत्रज्ञान कायद्याच्या कलम ६६ (सी) नुसार संगणकीय साधनांचा वापर करून ओळख चोरी करणे आणि ६७ नुसार आक्षेपार्ह मजकूर प्रसारित करण्यावर कारवाईची तरतूद आहे. तसेच बीएनएस नुसार बदनामी आणि फसवणुकीचे गुन्हे दाखल होतात. आक्षेपार्ह आणि बदनामीकारक मजकूर प्रसारित केला आहे. या तक्रारीवरून सायबर पोलिसांनी बीएनएस कलम ३५६, ३(५) तसेच आयटी ॲक्ट कलम ६६(सी) आणि ६७ नुसार गुन्हा नोंदवला आहे. मूळ फोटोतून इतर लोक होते, महाजनांची स्पष्टोक्ती व्हायरल फोटोबाबत खुद्द गिरीश महाजन यांनी स्पष्टीकरण दिले आहे. त्यांच्या माहितीनुसार, मूळ फोटोमध्ये अनेक जण उपस्थित होते. मात्र, जाणीवपूर्वक इतर लोकांना फोटोतून क्रॉप केले आणि केवळ दोनच जण सेल्फी घेत असल्याचे भासवून फोटो मॉर्फ करण्यात आला. यामागे कोण आहे, याचा शोध घेण्यासाठी त्यांनी मुंबईतही स्वतंत्र तक्रार दाखल केली आहे.
