बातमी ऐका (Marathi Voice Reader)
बसस्थानक परिसरात होणाऱ्या अवैध खासगी प्रवासी वाहतुकीला चाप लावण्यासाठी एसटी महामंडळाने राबवलेल्या मोहिमेत ४ लाख ९४ हजार ९०० रुपये दंड आकारण्यात आला. एसटी महामंडळाच्या उत्पन्नावर परिणाम करणाऱ्या अवैध प्रवासी वाहतुकीविरोधात अकोला शहर व ग्रामीण वाहतूक पोलिसांच्या मदतीने नागपूर विभागातील सुरक्षा व दक्षता शाखेने ५ ते १५ जूनपर्यंत मोहीम राबवली. मोहिमेत ५७८ वाहनांवर कारवाई करण्यात आली. बसस्थानकाच्या आवाराच्या भिंतीला लागूनच खासगी प्रवासी वाहतूक करणाऱ्या लक्झरी बसेस उभ्या करण्यात येतात. जुना बस स्टँडच्या (क्रमांक १) बाहेर १०-सीटर वाहने एका रांगेत उभी असतात. दरम्यान, एसटी महामंडळाचे अध्यक्ष तथा परिवहन मंत्री प्रताप सरनाईक यांनी अवैध प्रवासी वाहतुकीमुळे महामंडळाच्या उत्पन्नाला मोठा फटका बसत असल्याचे वारंवार निदर्शनास आणून दिले आहे. त्यानंतर मुख्य सुरक्षा व दक्षता अधिकारी तथा पोलिस उपमहानिरीक्षक डॉ. प्रियंका नारनवरे यांच्या निर्देशानुसार ५ ते १५ जूनदरम्यान विशेष मोहीम राबवण्यात आली. या मोहिमेअंतर्गत नागपूर प्रदेशाचे वरिष्ठ सुरक्षा व दक्षता अधिकारी धम्मरत्न डोंगरे यांच्या मार्गदर्शनाखाली सुरक्षा निरीक्षक महेश ठाकरे, सहायक सुरक्षा उर्वरित पान ४ या कायद्यान्वये कारवाई बसस्थानक परिसरात अवैध खासगी प्रवासी वाहतूक करणाऱ्या वाहनांवर एसटी महामंडळाने मोटार वाहन कायद्याच्या कलम ६६(१), १२२, १७७, १९२(१), १९४(अ), २३९ अंतर्गत कारवाई केली. बसस्थानक परिसरातील २०० मीटर नो-पार्किंग झोनचे उल्लंघन करताना आढळलेल्या वाहनधारकांना दंड आकारण्यात आला.
