बातमी ऐका (Marathi Voice Reader)
दोन गटांत झालेल्या वादाचे हाणामारीत रुपांतर होवून त्यात चाकू हल्ला करण्यासह गोळीबार केला. होता. मंगळवारी शहरात घडलेल्या या प्रकरणातील आरोपींच्या शोधातील पोलिस पथकांनी सहारा पार्क परिसरात सापळा रचून दोन आरोपींना अटक केली. ही कारवाई बुधवारी २४ जूनला पहाटे ५ वाजताच्या सुमारास केली. अब्दुल वाजिद अब्दुल राऊफ वय ४० वर्षे व अब्दुल राजीक अब्दुल राऊफ वय ३३ वर्षे दोन्हीही रा. रहेमत नगर अशी अटक केलेल्या आरोपींची नावे आहेत. यानंतरही आणखी काहीजण फरार आहे. या प्रकरणी मिळालेल्या माहितीनुसार वसंत नगर पोलिस ठाण्यामध्ये बुधवारी २४ जून रोजी वजाहत अली खान उर्फ अंजूम खान लियाकत अली खान यांनी फिर्याद दिली होती. त्यावरून अब्दुल वाजीद अब्दुल राऊफ व अब्दुल राजीक अब्दुल राऊफ व शेख फहिम शेख करीम या तिघांविरोधात गुन्हे दाखल झाले होते. पोलिसांकडून सुरू करण्यात आलेल्या शोध मोहीम दरम्यान अब्दुल वाजिद व अब्दुल राजीक हे सहारा पार्क गार्डन वसंत नगर येथे असल्याची माहिती मिळाली होती. त्यानंतर दोघांनाही अटक केले होते.सार्वजनिक बांधकाम विभागाच्या कार्यालयासमोर चहाच्या टपरीवर सायंकाळी ४.३० वाजताच्या सुमारास दोन गटात हाणामारी झाली होती. एका गटाकडून गावठी पिस्तूलने फायरिंग झाली होती.या घटनेनंतर पोलिस पथकांनी तपासणी सुरू केली होती. या गुन्ह्यातील एक आरोपी अजूनही मोकाट असून, पथक त्याचा शोध घेत आहे.
