एका चारचाकी वाहनातून एमडी ड्रग्स हा आम्लीपदार्थ वाहून नेणाऱ्या चौघांना अटक करण्यात आली. ही कारवाई स्थानिक गुन्हे शाखेच्या पथकाने आर्णी मार्गावर असलेल्या भामराजा गावाजवळील टोल नाक्यावर बुधवारी २० मे रोजी केली. या कारवाईदरम्यान १५ ग्रॅम एमडी ड्रग्ज आणि इतर साहित्य असा एकूण ५ लाख ४० हजार रुपये किमतीचा मुद्देमाल जप्त करण्यात आला आहे. शहजाद खान शम्मी खान, वय ३० वर्ष, रा. इंदीरा नगर यवतमाळ, शेख शाहरुख शेख मेहबुब वय ३० वर्ष, रा. ख्वाजा नगर सोनटक्के प्लॉट जुनी वस्ती अकोला, साजीद उर्फ हत्ती सलीम सायानी, वय ३२ वर्ष, रा. कुंभारपुरा कळंब चौक यवतमाळ आणि अल्तमश खान अमजत खान पठाण, वय २२ वर्ष, रा. उमर फारुख मार्ग वसंतनगर पुसद अशी अटक करण्यात आलेल्या चार आरोपींची नावे आहेत. या प्रकरणी सविस्तर असे की, एक कारमधून एमडी ड्रग्ज आर्णीकडून वतमाळकडे घेवून येत असल्याची गोपनीय माहिती स्थानिक गुन्हे शाखेच्या पथकाला मिळाली. या पथकाने सापळा रचून एम.एच. १४ जी.डी. १५९७ या कारला थांबवून चौकशी केली असता गाडीच्या डॅशबोर्डमध्ये एका पाऊच मध्ये पांढऱ्या रंगाची पावडर आढळुन आली. हे पावडर एमडी नावाचा अंमली पदार्थ असल्याचे सांगीतले. त्यावरुन तो अंमली पदार्थ १५.०७ मिली ग्राम बाजार मुल्य प्रतिग्राम ७८५०० रुपये, रोख २०७३० रुपये तसेच ४ जुने वापरते मोबाईल किंमत ४० हजार रुपये व महिंद्रा कार किमंत ४ लाख रुपये असा एकूण ५ लाख ३९ हजार २३० रुपयांचा मुद्देमाल जप्त करण्यात आला आहे. दोन आरोपींवर यापुर्वीही गुन्हे या प्रकरणात ताब्यात घेण्यात आलेला आरोपी शहजाद खान शम्मी खान यास २००३ मध्ये एम. पी. डी. ए. कायद्याअंतर्गत एक वर्षा करीता स्थानबध्द करण्यात आले होते. तसेच आरोपी साजीद उर्फ हत्ती सलीम सायानी व त्याचे टोळी विरुध्द सन २०२२ मध्ये मकोका कायद्या अंतर्गत कारवाई करण्यात आली होती.
