बातमी ऐका (Marathi Voice Reader)
येथील मध्यवर्ती बसस्थानक परिसरात वाहतूक नियमांची सर्रास पायमल्ली होत आहे. बसस्थानकाच्या २०० मीटर अंतराच्या आतूनच बेकायदेशीर खासगी वाहतूक सुरू आहे. या वाहतुकीमुळे राज्य परिवहन महामंडळाला (एसटी) दररोज मोठा आर्थिक फटका बसत आहे. धक्कादायक बाब म्हणजे, या प्रकारामागे संबंधित विभागाच्या अधिकाऱ्यांचे संगनमत असल्याचा थेट आरोप आता प्रवासी आणि जागरुक संघटनांकडून केला जात आहे. प्रत्यक्षदर्शींच्या मते सकाळी ६ वाजतापासून सुरु होणारी प्रवाशांची पळवापळवी ही चक्क रात्री १० वाजेपर्यंत सुरु असते. शासनाच्या नियमांनुसार, एसटी बसस्थानक परिसरापासून २०० उर्वरित,पान.४ छुपा पाठिंबा असल्याचा प्रवाशांकडून आरोप हा संपूर्ण प्रकार एसटी प्रशासनाच्या डोळ्यांदेखत सुरू आहे. अनेकदा तक्रार करूनही खाजगी वाहनांवर ठोस कारवाई केली जात नाही. त्यामुळे एसटी महामंडळाच्या सुरक्षा व दक्षता पथकाचा या बेकायदेशीर वाहतुकीला छुपा पाठिंबा तर नाही ना, असा संशय बळावला आहे. स्थानिक प्रवासी संघटनेच्या प्रतिनिधींच्यामते बेकादेशीर वाहतूक रोखण्याची जबाबदारी असलेल्या कर्मचाऱ्यांवर पाळत ठेवल्यास हा प्रकार उघड होऊ शकतो.
