सोशल मीडियावर व्हायरल झालेल्या कथित आक्षेपार्ह व्हिडिओमुळे पुसद शहरातील मुस्लिम समाजात तीव्र संताप व्यक्त केला आहे. प्रेषित हजरत मुहम्मद तसेच हजरत आयशा र.अ. यांच्या संदर्भात कथित अवमानकारक वक्तव्ये केल्याने नाझीया इलाही खान यांच्यावर तात्काळ गुन्हा दाखल करावा. अशी मागणी पुसद येथील मुस्लिम समाजाने केली आहे. या मागणीचे निवेदन पुसद ठाणेदार सेवानंद वानखेडे यांना २६ जून रोजी देण्यात आले. निवेदनात नाझीया इलाही खान यांनी एका मुलाखतीमध्ये प्रेषित हजरत मुहम्मद व हजरत आयशा र.अ. यांच्या विषयी आक्षेपार्ह, अपमानास्पद विधाने केले आहे. या वक्तव्यांमुळे धार्मिक भावना दुखावल्या गेल्या असून, व्हिडिओ मोठ्या प्रमाणात व्हायरल झाला आहे. त्यामुळे समाजात असंतोषाचे वातावरण निर्माण झाले. सामाजिक सलोखा, कायदा-सुव्यवस्थेवर परिणाम होण्याची भीतीही व्यक्त केली जात आहे. सदरील प्रकरणाची सखोल चौकशी करावी. भारतीय न्याय संहिता, माहिती तंत्रज्ञान अधिनियमातील लागू कलमानुसार तात्काळ गुन्हा दाखल करावा. अशी मागणी या निवेदनाद्वारे करण्यात आली असून, या निवेदनावर सैय्यद इश्तियाक, सैय्यद जहीरोद्दीन, फिरोज खान, आकिब रिझवी, जाकीर काझी, नवाज अली, अब्दुल सिद्दीक, सैय्यद समीर, फैजान अहेमद, मोहम्मद सिद्दीक, सैय्यद समीर, सैय्यद हाशिर, हसनैन खान, शेख जुबेर, सैय्यद रहेबर, शाहरुख़ खान, शेख सद्दाम, अब्दुल अतीक, मोहम्मद अशफाक, सैय्यद शोएब यांच्यासह अनेक नागरिकांनी स्वाक्षऱ्या करत पोलिस प्रशासनाने तात्काळ कठोर कायदेशीर कारवाई करावी आणि समाजाला न्याय द्यावा. अशी मागणी केली आहे.
