सुरेश पाचभाई मारेगाव
मारेगाव तालुक्यातील जळका शिवारातील रोडलगत असलेल्या शेताजवळील नालीत एका अज्ञात पुरुषाचा मृतदेह आढळून आल्याने परिसरात खळबळ उडाली आहे. ही घटना मंगळवारी (दि. १६) दुपारी सुमारे १२:३० वाजताच्या सुमारास उघडकीस आली.
मिळालेल्या माहितीनुसार, साईनाथ परचाके यांच्या शेताजवळील नालीत अनोळखी पुरुष जातीचा मृतदेह आढळून आला. मृत व्यक्तीचे अंदाजे वय ४५ ते ५० वर्षे असून त्याची उंची सुमारे ५.८ ,रंग गोरा, सरपातळ , केस काळ्या- पांढऱ्या रंगाचे,दाढी वाढलेली आहे. मृताच्या अंगात फिकट गुलाबी रंगाचा हाफ टी-शर्ट,व राखटी रंगाचा हाफ पॅन्ट (बरमुळा) असल्याचे पोलिसांनी सांगितले.
घटनेची माहिती मिळताच मारेगाव पोलीस तात्काळ घटनास्थळी दाखल झाले. पंचनामा करून मृतदेह उत्तरीय तपासणीसाठी ग्रामीण रुग्णालय, मारेगाव येथे पाठविण्यात आला आहे.या घटनेची माहिती जळका येथील पोलीस पाटील विजय मोघे यांनी मारेगाव पोलिसांना दिली.
अज्ञात मृत व्यक्तीची ओळख पटविण्याचे प्रयत्न सुरू असून, सदर व्यक्तीबाबत कोणाला माहिती असल्यास मारेगाव पोलीस ठाण्याशी तात्काळ 07237-237230 या क्रमांकावर संपर्क साधण्याचे आवाहन पोलीस प्रशासनातर्फे करण्यात आले आहे. त्याच्या मृत्यूचे नेमके कारण कळू शकले नाही.
या प्रकरणाचा पुढील तपास ठाणेदार सागर डानडे, सहाय्यक पोलीस निरीक्षक रवी बुरकुले, सहाय्यक पोलीस उपनिरीक्षक दिगंबर किनाके तसेच पोलीस कर्मचारी नामदेव भटारकर, सागर दीपेवार व विकास खंडारे करीत आहेत.
