मारेगाव तालुक्यातील पिसगाव येथील घटना; आत्महत्येचे कारण अद्याप अस्पष्ट
सुरेश पाचभाई मारेगाव
मारेगाव तालुक्यातील पिसगाव येथे शंकर किसन आत्राम (वय अंदाजे ४३ वर्षे) यांनी गळफास घेऊन आत्महत्या केल्याची घटना रविवारी, १६ ऑगस्ट रोजी सकाळी सुमारे ७:३० वाजता उघडकीस आली.
मिळालेल्या प्राथमिक माहितीनुसार, शंकर आत्राम हे मिस्त्री काम करून आपल्या कुटुंबाचा उदरनिर्वाह करत होते. पिसगाव परिसरातील पाहपळ रस्त्यालगत असलेल्या नाल्याजवळ त्यांनी गळफास घेतल्याचे आढळून आले. घटनेची माहिती मिळताच मारेगाव पोलीस घटनास्थळी दाखल झाले घटनास्थळ पंचनामा करून त्याचा मृतदेह उत्तरीय तपासणीसाठी मारेगाव येथील ग्रामीण रुग्णालयात पाठवण्यात आला आहे.
आत्राम यांच्या पश्चात आई-वडील, पत्नी, एक मुलगी व एक मुलगा असा परिवार आहे. त्यांच्या अचानक मृत्यूमुळे कुटुंबीयांवर दुःखाचा डोंगर कोसळला असून गावातही हळहळ व्यक्त होत आहे.
दरम्यान, त्यांनी हे टोकाचे पाऊल नेमके कोणत्या कारणातून उचलले, याबाबत अद्याप स्पष्ट माहिती समोर आलेली नाही. सदर प्रकरणाचा पुढील तपास ठाणेदार सागर दानडे यांचे मार्गदर्शनाखाली महिला पोलीस हेड कॉन्स्टेबल विना तोडसे पोलिस कॉन्स्टेबल कपिल जीवने करीत आहे.
