अर्जुन येथील जंगलातील घटना
मारेगाव तालुक्यात पुन्हा एकदा वाघाची दहशत
सुरेश पाचभाई मारेगाव
मारेगाव तालुक्यात आणखी एकदा वाघाची दहशत पहावयास मिळत आहे.काल दिनांक 12 नोव्हेंबर 2024 रोज मंगळवारला दुपारच्या सुमारास अर्जुनी येथिल मंगेश मनोहर तोडासे यांच्या गाईवर वाघाने हल्ला करून ठार केल्याची घटना आज सकाळी 11 वाजता उघडकीस आली.
मनोहर तोडासे यांची गाय काल दिनांक 12 नोव्हेंबरला 2024 रोज मंगळवारला सकाळी 11 वाजताच्या सुमारास अर्जुनी येथील जंगलात चराईसाठी गेली होती.पण सायंकाळ झाली तरी गाय परत न आल्या मुळे पशुधन पालक यांनी सायंकाळी शोधा-शोध केला पण गाईचा थांग पत्ता लागला नाही.सकाळी जंगलात जाऊन पाहणी केली असता गाईवर वाघाने हल्ला करून ठार केल्याची घटना उघडकीस आली.
त्यांनी सदर घटनेची माहिती फॉरेस्ट ऑफिसला दिली.असुन त्यांच्या गाईची किंमत अंदाजे 20 हजार रुपये असल्याचे बोलले जात आहे. या शेतकऱ्याला लवकरात लवकर प्रशासनाने मदत करावी अशी मागणी केली जात आहे.
या परिसरामध्ये आणखी एकदा वाघाच्या दहशतीमुळे शेतकरी व शेतमजूर वर्गामध्ये भीतीचे वातावरण निर्माण झालेले आहे.
सध्या अर्जुनी व परिसरात शेतामध्ये कापूस वेचणीच्या कामाची लगभग सुरू आहे.त्यामुळे वाघ कुठेही दवा धरून बसून राहू शकतो.त्यामुळे शेतकरी वर्गामध्ये भीतीचे वातावरण निर्माण झाले आहे. वाघाचा लवकरात लवकर बंदोबस्त करावा अशी मागणी परिसरातून केली जात आहे.
