# सहाय्यक जिल्हाधिकारी विवेक जॉन्सन यांच्या हस्ते आश्रम शाळा माथार्जून येते जात प्रमाणपत्राचे वाटप
तालुका प्रतिनीधी :-झरी (जामणी) ज्ञानेश्वर आवारी
( 88059 79173)
सविस्तर वृत्त असे की..lll
झरी जामणी येथे सहायक जिल्हाधिकारी तथा एकात्मिक आदिवासी विकास प्रकल्प कार्यालय पांढरकवडा चे अधिकारी यांच्या पुढाकाराने झरी जामणी तालुक्यातील माथार्जुन येथील आश्रमशाळातील ४० आदिवासी विद्यार्थ्यांना गुरुवारी (ता. २४) एकाच दिवशी विनामूल्य जात प्रमाणपत्र वाटप करण्यात आले.
आदिवासी विद्यार्थ्यांना वेळेवर शैक्षणिक कामासाठी जात प्रमाणपत्राची गरज भासते अशा वेळी त्यांच्याकडे आर्थिक व दळणवळण साधनांचा व ईतर बाबीचा अभाव त्यामुळे वेळेवर त्यांना जात प्रमाण पत्र मिळत नाही. यासर्व बाबीची जाणीव असलेले सहायक जिल्हाधिकारी तथा एकात्मिक आदिवासी विकास प्रकल्प व उपविभागीय अधिकारी विवेक जॉन्सन यांनी पुढाकार घेऊन आदिवासी विकास प्रकल्प कार्यालय पांढरकवडा अंतर्गत येणाऱ्या सर्व आश्रमशाळेत तसेच माथार्जुन येथील आश्रम शाळातील विद्यार्थ्यांना विनामूल्य जातीचे प्रमाणपत्र देण्याचा निर्धार केला.
त्या अनुषंगाने मुख्याध्यापक व तहसीलदार गिरीश जोशी यांचे सहकार्य घेऊन आश्रमशाळा माथार्जुन येथील मुख्याध्यापक, शिक्षक यांनी पालकांशी संपर्क साधून, घरोघरी जाऊन आवश्यक प्रमाणपत्र गोळा करून विशेष म्हणजे पालकांना कोणत्याही प्रकारचे शुल्क पालकांना भरावे लागले नाही. झेरॉक्स प्रती सुद्धा आश्रम शाळेकडूनच काढून दिल्या गेल्या. झरी जामणी तहसीलचे तहसीलदार गिरीश जोशी यांनी कर्मचाऱ्यांना विशेष आदेश देऊन अगदी कमी कालावधीत काम पूर्ण करून घेतले. तालुका प्रशासनाकडून जवळपास जातीचे ४० प्रस्ताव उपविभागीय अधिकारी विवेक जॉन्सन यांचे कार्यालयात दाखल केले. त्यानंतर उपविभागीय अधिकारी विवेक जॉन्सन यांनी ३ ते ४ दिवसात ४० जात प्रमाणपत्रे तयार केली. अत्यंत कमी कालावधीत पूर्णपणे मोफत जात प्रमाणपत्रे विद्यार्थ्यांना मिळाली याबद्दल पालक आणि विद्यार्थ्यां मध्ये आनंदाचे वातावरण असून, या परिसरात विशेष कौतुक होत आहे. या साठी प्रभारी मुख्याध्यापक सोनोने, शिक्षक नागोसे, क्रीडाशिक्षक साजीद शेख, संगणक शिक्षक भिवरकर, शिपाई मारोती सीडाम, चोकीदार महेश परचाके यांनी यांनी परिश्रम घेतले आहे…
