भाजप कडे दाभा,कारेगाव , हिवरा बारसा कॉग्रेसकडे – खरबडा, निमणी व मार्थाजून
शिवसेना -आडकोली,शिबला – अपक्ष सरपंच
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी तालुक्यातील आठ ग्राम पंचायत ग्रामपंचायत निवडणूकची मतमोजणी आज शांततेत पार पडली.आगामी काळात होणाऱ्या जि.प. पंचायत समिती निवडणुकीसाठी ही निवडणूक प्रस्तापितासाठी अतिशय प्रतिष्ठेची असून त्या साठी राजकिय पक्षांची आपाली ताकद लावल्याचे दिसून आले.
पहिल्यांदाच सरपंच पद हे गावातील सर्व मतदारातून निवडुन असल्याने या निवडणुकीला आगळे वेगळे महत्व होते.अनेक ग्रामपंचायतीत संपूर्ण पॅनल एका गटाचे आले.असले तरी सरपंच मात्र दुसऱ्या गटाचा निवडून आलेला असल्याने गड आला पण सिंह गेला अशी परिस्थिती अनेक गावात झालेली दिसली,त्यामुळे अर्धवट उत्साहाने कार्यकर्त्यांना परत जावे लागले,
अनेक स्वतःला दिगग्ज उमेदवार मानणाऱ्या उमेदवारांना पराभवाला सामोरे जावे लागल्याने मत मोजणी केंद्राजवळून काढता पाय घेतला.हा निकाल धक्कादायक व अनेकांना आत्मचिंतन करायला भाग पाडणारा होता कारण अनेक राजकीय लोकांचे गृहीतके खोटी ठरली व अनेकांचे राजकीय गणित बिघडविले.
एकंदरीत थेट जनतेतुन सरपंच निवडून आल्याने सत्ता स्थापणेतील घोडे बाजार,उमेदवारांना पळवून नेने ,असले बेकायदेशीर मार्गांना चाप बसला.या निवडणुकीत सरपंच माळ गळ्यात पडलेल्या उमेदवारांची नावे ग्राम पंचायत निहाय व एकूण झालेले मतदान उमेदवारांना मिळालेली मत खालील प्रमाणे:-
ग्राम पंचायत दाभा – एकूण झालेले मतदान / ६१९ शकुंतला व्यंकटराव कुळसंगे विजयी झाल्या त्यांना ३१२ तर प्रतिस्पर्धी शोभा चांगदेव कुळसंगे यांना ३०५ मत मिळाली .
खरबडा -८८१ / गीता संतोष पुसाम ४५८ प्रथम क्रमांकाचे मत मिळवून सरपंच पद प्राप्त केले तर , शोभना अरविंद उरवते यांना४१६ मत मिळाली.
माथार्जुन भागीरथा शंकर आत्राम ७९५ विजयी झाल्या , सीमा विलास किनाके ६३४ तर राधाबाई बापुराव किनाके ११२ मत मिळली.
कारेगाव – – ८२४
सीताराम परशराम आडे ३६० मत प्राप्त करून विजयी झाले, गोपाल नामदेव मडावी ३३१ , तरजगदिश गणपत मडावी १६० मत मिळाली आहे.
अडकोली -७९० अशोक सीताराम पंधरे ३६७ प्राप्त करून विजयी झाले तर जयश्री नंदकिशोर उइके २२० ,प्रफुल मनोहर मरसकोले १५० , मारोती यादव कुडमेथे ३२, सचिन विठ्ठल विठ्ठल जुमनाके यांना केवळ १९ मत मिळवता आली आहे .
निमणी – ५३९
जिजाबाई निळकंठ किनाके २४४ प्राप्त करून विजयी झाल्या आहेत तर श्रद्धा अनिल पेंदोर १४९ आणि रुक्माई सुभाष कुडमेथे १३४ अशी मते मिळाली.
हीवरा -बारसा १४४४
चंदा दिनेश आत्राम ६८३ प्रथम क्रमांकाचे मत विजय प्राप्त केला आहे. सपना सागर कुळमेथे ५३९ मत मिळाली आहे .
शिबला १३७८
रजनी दादाजी कोडापे ४२९मते घेऊन सरपंच पद प्राप्त केले तर कल्पना हनुमान करपते यांना ३९८ मत मिळाली आहे . ,निवडणूक निकालासाठी तहसीलदार गिरीश जोशी नायब तहसीलदार महेश रामगुंडे,ए.सी.रामगुंडे .इतर कर्मचारी यांनी व्यवस्थापन केले
