उपविभागीय कृषी अधिकाऱ्यांनी यांनी साधला आदिवासी शेतकऱ्यांशी संवाद.
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी महाराष्ट्र शासन कृषी विभागाच्या वतीने ‘” माझा एक दिवस माझ्या बळीराज्यासाठी “‘ या उपक्रमांतर्गत तालुक्यातील सूर्ला या गावात १६ नोव्हेंबर रोजी उपविभागीय कृषी अधिकारी, पांढरकवडा जगन राठोड यांनी भेट दिली. यावेळी क्रांतीसुर्य बिरसा मुंडा जयंती निमित्ताने प्रतिमेचे पूजन करून कार्यक्रमास सुरूवात करण्यात आली.
दिवाकर कुडमेथे यांनी शेतीला बांध बंधिस्ती करणे संदर्भात समस्या मांडल्या,सुमित आत्राम यांनी पेंढारी लघुसिंचन प्रकल्पा अंतर्गत कॅनॉल चे पाणी सोडणे साठी मागणी केली.शेतकऱ्यांना भेडसावणाऱ्या समस्यांबाबत चर्चा करून रासायनिक कीटकनाशके फवारणी करताना विषबाधा होऊ नये याबाबत प्रतिबंधात्मक उपाय व प्रथमोपचार करणे , फळपीक लागवड व त्याचे व्यवस्थापन , प्रधानमंत्री पीक विमा योजना , महाडीबीटी योजनेतून लाभ घेण्याचे आव्हान करण्यात आले,
pmfme योजने अंतर्गत शेतीशी निगडित उद्योग उभारणे,पीएम किसान , ई – केवायसी प्रत्यक्षात कॅम्प लावून करण्यात आले. लिंकिंग खत पुरवठा आढळल्यास तक्रार करण्याचे आव्हान राठोड साहेबांनी केले व ई – पीक पाहणीबाबत सविस्तर मार्गदर्शन करून समाधान व्यक्त करण्यात आले.तसेच राज्य पुरस्कृत एकात्मिक कापूस उत्पादकता वाढ व मुल्य साखळी प्रकल्प अंतर्गत निविष्ठा कृषी अधिकारी राठोड साहेबांचा हस्ते वाटप करण्यात आले.त्यानंतर बीज प्रक्रिया मोहीम राबवून शेतकऱ्याना बीज प्रक्रिये चे महत्व विषद करण्यात आले.
गावालगत चा वनराई बंधारा ची पाहणी करून पूजन करण्यात आले. त्यानंतर उपस्थित सर्व शेतकऱ्यांना आत्महत्या न करण्याबाबत प्रतिज्ञा देऊन कार्यक्रमाची सांगता केली . प्रास्ताविक तालुका कृषी अधिकारि (झरी) ए.एस.आमले यांनी केले झरी तालुक्यात वनराई बंधारे बांधण्याची मोहीम तसेच हरभरा बीज प्रक्रिया राबवण्याची मोहीम हाती घेण्यात आल्याचे सांगितले,मनोज कोरांगे कृषी सहाय्यक सुरला यांनी आभार व्यक्त केले.
यावेळी ,सरपंच सौ.उषा दिवाकर कुडमेथे, उपसरपंच चंद्रशेखर मेश्राम, पोलिस पाटील भारत येडमे मंडळ अधिकारी हटवार साहेब,कृषी पर्यवेक्षक किनाके , फुलझले,कृषी सहाय्यक दिलीप पोळ ,सुधीर मोघे ,मेश्राम ,राजू कुडमेथे ,नरेश संदुलवार , वैजनाथ बेरलीकर ,मनोज जाधव (आत्मा), प्राची उईके ,नम्रता कुमरे ,तसेच कृषी विभागाचे सर्व क्षेत्रीय अधिकारी व कर्मचारी तसेच शेतकरी व महिलांची उपस्थिती होती .
