तालुका प्रतिनीधी :-झरी (जामणी) ज्ञानेश्वर आवारी
[88059 79173]
सविस्तर वृत्त असे की.
झरी जामणी तालुक्यातील जनतेच्या सेवेसाठी असणारे
शासकीय अधिकारी व कर्मचारी यांना मुख्यालयी राहण्यासाठी शासनाच्या वेगवेगळ्या विभाकडून तालुक्यात शासकिय सुसज्य निवासस्थाने निर्माण करण्यात आली आहे . लोक प्रतिनिधी च्या अनास्थेमुळे
लाखो रुपये खर्चून बांधलेल्या त्या इमारती धुळकात पडल्या आहेत . काही निवास्थाने दुर्लक्ष पणा मुळे खचल्या असून बऱ्याच इमारतीत आतिक्रम करण्यात आले असल्याचे चित्र पाहायला मिळते आहे .
अशाच प्रकारे झरी तालुक्यात पाटण झरी रोडवर घोन्सा फाट्यावर वनविभागाने कार्यालय निवासस्थान बांधकाम पूर्ण होवून तीन चार वर्षे झाली आहेत. परतु इतके दिवस होऊनही या इमारतीचा उपयोग कोणीच करताना दिसत नसल्याने या इमारती कशाला ? कुणासाठी ? बांधल्या असा प्रश्न सर्वसामान्य जनतेला पडला आहे.
तालुक्यात मौल्यवान अशी वनसंपदा आहे. त्याचे रक्षण करण्यासाठी शासन च्या वनविभागाने अधिकारी व कर्मचाऱ्यांची नियुक्ती केली आहे .
पवनार , शेकापूर , जुनोनी , जामणी शिबला इ. ठीकणी राहण्याची व्यवस्था असून त्या ठिकाणी वन कर्मचारी राहत असतात
परंतु ते मुख्यालयी न राहता वणी पांढरकवडा , यवतमाळ या शहरांतून अपडाऊन करत असून याला वरिष्ठांचे छुपे पाठबळ असल्याचे बोलले जात आहे. मात्र याचा फायदा शिकारी व लाकूड चोरट्यांना होत आहे . मोर , सारज या दुर्मिळ वन्य प्राण्यांची शिकार केली जात आहे . मौल्यवान साग व दुर्मिळ वनपस्ती चोरट्याकडू ओरबडली जात असतांना वनविभागाकडून आजवरी कोणावरही कार्यवाही झाल्याचे दिसून आले नाही. एकीकडे वनसंपत्ती आणि वन्यजीव यांची सुरक्षा धोक्यात आली आहे.
झरीत गेल्या तिन चार वर्षापासून बांधकाम पूर्ण झाल्यानंतर केवळ विद्यूत पुरवठा सुरु न झाल्याचे कारण सांगून त्या इमारती ओसपडल्या आहे . याकडे वनविभागाचे वरिष्ठ अधिकारी यांचे दुर्लक्ष करीत असल्याचे दिसून येत आहे .
