तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामनी तालुक्यातील मुकुटबन येथील सिमेंट कंपनी हे दिव्यांगांना सीएसआर फंड देण्यासाठी टाळाटाळ करीत असून अनेकदा याबाबत निवेदन व स्मरण पत्र देऊनही त्याची दखल न घेतल्या कारणांने अखेर शेवटी दिव्यांग महिला व पुरुष हे सहा जुलैला जिल्हाधिकारी कार्यालयावर हक्काचे न्याय मागणीसाठी धडकले.
भारतीय क्रांती सेना दलाचे संस्थापक अध्यक्ष समीर लेनगुळे यांच्या नेतृत्वात सर्व दिव्यांग महिला व पुरुष यांनीजिल्हाधिकारी यवतमाळ यांना निवेदन देऊन आपले म्हणणे निवेदनातून मांडले आहे. सिमेंट कंपनीने हजारो हेक्टर शेत जमिनी घेऊन कंपनी उभारली या कंपनीतून प्रदूषण होत असून प्रदूषणाबाबत नागरिकांना त्रास होत आहे.
एवढेच नव्हे तर लहान मुलांना सुद्धा आजार बळावत आहे कंपनी नियमानुसार दिव्यांग ,विधवा महिला, कुपोषित बालके व त्याचप्रमाणे शुद्ध पाणी शिक्षण व गावाचे विकासासाठी सीएसआर फंडातून खर्च करणे गरजेचे असताना व तसे बंधनकारक असताना कंपनी अशा,व्यक्तींना कुठे धारा देत नसल्याचा आरोप भारतीय क्रांती सेना तर्फे करण्यात आलेला आहे एवढेच नसून भूमिपुत्रांना सुद्धा फार कमी प्रमाणात नोकऱ्या दिलेले आहेत.
दिव्यांग बांधवांनी अनेकदा निवेदन दिल्यानंतर त्यांना केराची टोपली दाखवीत आहे .एवढेच नसून त्यांच्याशी अरेरावाची भाषा बोलण्यात येत आहे असे अनेक उदाहरण देऊन माननीय जिल्हाधिकारी यवतमाळ यांना निवेदनाद्वारे कळवून आपली हकीगत मांडले शक्य तितके लवकर जिल्हाधिकारी यांनी न्याय द्यावा अशी विनंती करण्यात आली.जर न्याय न मिळाल्यास तीव्र आंदोलन करण्याचा इशारा सुद्धा दिव्यांग बांधवांच्या वतीने देण्यात आलेला आहे.