ग्रामपंचायत चिंचमंडळ माशिक सभेत गदारोळ
मारेगाव पोलीस ठाण्यात गुन्हा दाखल
मारेगांव तालुका प्रतिनिधी:- सुरेश पाचभाई
[9922862184]
महिला सदस्यांनीही दिली विनयभंगाची तक्रार मारेगाव तालुक्यातील ग्राम पंचायत चिंचमंडळची दिनांक 29एप्रिल2022 रोजी मासिक सभा असल्याने मासिक सभा घेण्यासाठी गेलेल्या ग्रामसेवकाला सभा सुरु होण्यापूर्वीच महिला सदस्यांच्या पतीने मारहाण केल्याची तक्रार ग्रामसेवक किशोर खरात यांनी मारेगाव पोलिसात केली असून, महिला सदस्यानी सुध्दा ग्रामसेवका विरुद्ध विनयभंगाची तक्रार पोलिसात दिली असुन या प्रकरणात गुन्हा दाखल झाला आहे.
शुक्रवार दिनांक 29 एप्रिल2022 रोजी चिंचमंडळ ग्रामपंचायतच्या मासिक सभा दुपारी 12 वाजता असल्याने या सभेकरीता ग्रामसेवक किशोर चिंदाजी खरात व ग्रामपंचायत कर्मचारी वेळेपूर्वी उपस्थित होते. दरम्यान या मासिक सभेकरिता ग्राम पंचायात सदस्य भाग्यश्री दिवाकर सातपुते या पतीसह उपस्थित झाल्या. यावेळेसच मारहाणीचा प्रकार घडला.
या संदर्भात शासकीय कामात अडथळा करित महिला सदस्याचे पती दिवाकर नामदेव सातपुते यांनी मारहार केल्याची तक्रार ग्रामसेवक किशोर खरात यांनी पोलिसात दिली.तर महिला सदस्याने ग्रामसेवकाने वाईट हेतूने बोलून विनयभंग केल्याची तक्रार पोलिसात दिली.
तक्रारीनुसार ग्रामसेवक किशोर खरात यांचेवर विनयभंगाचा तर दिवाकर सातपुते यांचेवर शासकीय कामात अडथळा आणि अनु .जाती / जमाती प्रतिबंधक कायद्या अंतर्गत मारेगाव पोलिसात शुक्रवारला रात्री उशीरा गुन्हा दाखल करण्यात आला असुन. पुढील तपास उपविभागीय पोलीस अधिकारी संजय पुज्जलवार यांचे मार्गदर्शनात मारेगाव पोलिस करत आहेत.