अरविंदभाऊ ठाकरे सरपंच कुंभा यांचे हस्ते करण्यात आले.
सुरेश पाचभाई मारेगाव : नवरगांव (धरण)येथे आज दिनांक 24 फेब्रुवारी 2023 रोज शुक्रवारला श्री तुळशी वृंदावन देवस्थान येथे सकाळी 11 वाजता सत्यपाल महाराज यांचे शिष्य सप्तखंजरीवादक,राष्ट्रीयप्रबोधनकार तुषार सूर्यवंशी नागपुर (दुरदर्शन, झी मराठी कलाकार) यांचा तुफान विनोदी प्रबोधनात्मक कार्यक्रम येथे संपन्न झाला व दुपारी 1 वाजता गोपाल काला करण्यात आला.
त्यानंतर दुपारी 3:30 वाजताच्या सुमारास शंकरपटाला सुरुवात करण्यात आली. महाशिवरात्रीच्या दिवशी या मंदिरात घटस्थापना करण्यात आली होती.दिनांक 28 फेब्रुवारी रोज मंगळवारला पाखडपुजा व घट विसर्जन करण्यात येणार असल्याची माहिती कमिटी कडून प्राप्त झाली आहे.
आजपासून सुरु झालेल्या या यात्रेमध्ये आज भव्य शंकरपटाचे उद्घाटन अरविंदभाऊ ठाकरे, सरपंच कुंभा यांचे हस्ते करण्यात आले. यावेळी यवतमाळ जिल्हा मध्यवर्ती बँकेचे उपअध्यक्ष संजय देरकर हेही उपस्थित होते.
दिनांक 24,25 व 26 हे तीन दिवस भव्य शंकरपट भरणार आहे.तसेच भव्य यात्रेला पण आज पासुन सुरुवात झाली आहे. परिसरातील भाविकाना यात्रेचा आनंद घेता येणार आहे.श्री क्षेत्र तुळशी वृंदावन देवस्थान नवरगांव धरण रजिस्टर नंबर ए. 392 द्वारा 24 ते 28 फेब्रुवारी पर्यंत या भव्य यात्रा उत्सवाला आज पासुन सुरुवात करण्यात आली आहे.
दिनांक 28 फेब्रुवारी रोजी पाखडपुजा व घट विसर्जन करण्यात येणार असल्याची माहीती व्यवस्थापन कमेटी व आयोजन समिती श्रीकृष्ण तुळशी वृंदावन देवस्थान, नवरगांव (धरण) ता. मारेगांव जि. यवतमाळ र.नं. ए-३९२ यांचे कडून प्राप्त झाली आहे.