२१ दिवसानंतर मुकूटबन पोलिसांच्या ताब्यात
तालुका प्रतिनीधी :-झरी (जामणी) ज्ञानेश्वर आवारी
[88059 79173]
झरी जामणी:- मुकूटबन पोलीस स्टेशन अंतर्गत येणाऱ्या मांगली येथील रेल्वेगेट वरील कर्मचाऱ्याला मारहाण करून पसार झालेल्या संशयीत आरोपीस अखेर पोलिसांनी अटक केली आहे.
१४ एप्रिलच्या रात्री ८.४५ वाजता दरम्यान रेल्वे येत असल्यामुळे रेल्वेगेट बंद केले. तेवढ्यात मुकुटबन येथील तरुण राहुल दुर्गे हा दुचाकीने आला व गेट उघड असे म्हणाला. गेटमॅन ने रेल्वे गेल्यावर गेट उघडतो थोडं थांब असे म्हणताच मद्यधुंद अवस्थेत असलेला राहुल दुर्गे याने गेटमॅन धर्मेंद्रकुमार मीना याला लाथाबुक्यांनी मारहाण केली व नाकावर मारून रक्तबंबाळ केले त्यात नाकावरील हाड मोडले. जखमी धर्मेंद्रकुमार याने मुकूटबन पोलीस स्टेशन गाठून तक्रार दाखल केली.
पोलिसांनी कलम ३५३, ३३२,३२४ व इतर गुन्हे दाखल केले. गुन्हे दाखल झाल्याची महिती मिळताच संशयित आरोपी राहुल दुर्गे फरार झाला. पोलिसांकडून शोधाशोध करून अखेर ४ एप्रिलच्या रात्री संशयित आरोपी आदीलाबाद येथे असल्याची माहिती मिळताच जमादार प्रवीण तालकोकुलवार व संजय खांडेकर हे खाजगी वाहनाने जाऊन आरोपीच्या मित्राच्या घरून अटक करून मुकूटबनला आणले. संशयित आरोपी राहुल दुर्गे जवळून दुचाकी मोपेड क्रमांक एपी ०१, एसी ४५१८ जप्त करण्यात आली असुन संनशिय आरोपीला न्यायालयात हजर करण्यात आले आहे. पुढील तपास ठाणेदार अजित जाधव यांच्या मार्गदर्शनाखाली पोलीस उपनिरीक्षक अनिल सकवान व संदीप कुमरे करीत आहे.
