महिलेची विहिरीत उडी घेऊन आत्महत्या

बुरांडा (ख) येथील घटना

मृत्यूचे कारण अस्पष्ट

सुरेश पाचभाई मारेगाव

मारेगाव तालुक्यातील बुरांडा (ख) येथील एका 45 वर्षीय महिलेने विहिरीत उडी घेऊन आत्महत्या केल्याची घटना आज दिनांक 13 फेब्रुवारी 2025 रोज गुरूवारला सकाळी 6 वाजताच्या दरम्यान उघडकीस आली.मंदा आनंद ताकसांडे वय अंदाजे 45 वर्ष रा.बुरांडा (ख)असे आत्महत्या केलेल्या महिलेचे नाव आहे.

45-year-old woman from Buranda (khadki) committed suicide by jumping into a well.

मंदा ताकसांडे ह्या मुलागा व मुली सोबत बुरांडा (ख)येथे राहत होत्या. त्यांच्या पतीचे काही वर्षाआधी निधन झाले होते.मंदा यांचेवर मागील दोन वर्षांपासून कर्करोगाचे नागपुर येथील एका खासगी दवाखान्यात उपचार सुरू होते. त्यांच्यावर शस्त्रक्रिया पण करण्यात आली होती.पण अशातच काल दिनांक 12 फेब्रुवारी 2025 च्या रात्रीच्या सुमारास त्यांनी गावातील पाणीपुरवठ्याच्या विहिरीत उडी घेतली.

सकाळी गावतील काही नागरिकांना विहिरीच्या काठावर ओढणी व चप्पल दिसल्यामुळे सदर घटना उघडकीस आली. सदर घटनेची माहिती मारेगाव पोलिसांना मिळताच मारेगाव पोलीस घटनास्थळी दाखल झाले.घटनास्थळ पंचनामा करून मृतदेह उत्तरीय तपासणीसाठी मारेगाव येथील ग्रामीण रुग्णालयात पाठविण्यात आला.

त्यांच्या पश्चात एक मुलगा,एक मुलगी असा आप्त परिवार आहे.या प्रकरणाचा पुढील तपास ठाणेदार संजय सोळंके यांच्या मार्गदर्शनात जमादार राजु टेकाम,दत्तू किनाके करीत आहेत.