नवरगाव येथील घटना.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील:- नवरगाव येथील एका अल्पवयीन मुलगी शौचास गावाबाहेर गेली असता युवकाने हात पकडून एका निंबाच्या झाडाजवळ गैरवर्तन करत तिचा विनयभंग केला. ही घटना मारेगाव पोलीस ठाण्यांतर्गत नवरगाव येथे गावाबाहेर शेतशिवारात घडली. याबाबत दिनांक 9 मे 2022 रोजी सायंकाळच्या सुमारास पीडित मुलीच्या तक्रारीवरून मारेगाव पोलिस स्टेशनला गुन्हा दाखल करण्यात आला आहे.
पोलिसांकडून प्राप्त माहितीनुसार मारेगाव तालुक्यातील नवरगाव येथील एक अल्पवयीन मुलगी शौचास जात असतांना गावातीलच 21 वर्षीय युवकाने अल्पवयीन मुलीचा गैरफायदा घेत वाईट हेतुने पिडीताचा हात पकडुन व गैरवर्तन करून विनयभंग केला. याप्रकरणी सुमारे 21 वर्षीय संशियत आरोपी गणेश अरूण हादवे याच्यावर विनयभंगाचा विविध कलमान्वये गुन्हे दाखल करण्यात आले आहे. याबाबत पुढील तपास मारेगाव पोलिस करत आहे.
