झरी तालुक्यातील घटना.
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी तालुक्यातील सुरदापुर येथील सौ. प्रिया विशाल येलट्टीवार वय सुमारे (३४)वर्ष ह्या महिलेनी ३१ जुलै २०२२ रोज रविवारला दुपारी ४ वाजताच्या सुमारास पैनगंगा नदीच्या पुलावरून उडी मारून आत्महत्या केल्याची घटना घडली होती. काल दिनांक १ ऑगस्टला २०२२ रोज सोमवारला सकाळी १० वाजताचे सुमारास तिचा मृतदेह मजरा गाडेघाट नदी पात्रात आढळून आला.प्रियाचे माहेर तेलंगणा राज्यातील दिपाई गुडा असून काही कार्यक्रमानिमित्त मुलासह प्रिया माहेरी गेली होती.
ती दिनांक ३१ जुलैला २०२२ ला प्रिया व तिचा भाऊ दुचाकीने प्रियाला सासरी पोहचवण्यासाठी येत असताना दिग्रस जवळ असलेल्या पैनगंगा नदीच्या पुलावर प्रियाने भावाची दुचाकी थांबविली आणि भावादेखतच प्रियाने क्षणात नदीपात्रात उडी घेतली व दिसेनासी झाली, यावेळी तिच्या मुलगा सोबत होता. तो मामाला पकडून बसलेला होता व मागे प्रिया बसलेली होती.ती माहेरी असताना तीने आत्महत्या का केली याचे कारण बातमी लिहे पर्यंत कळू शकले नाही. पुढील तपास पाटण पोलिस करत आहे.
