झरी न्यायालयाचा निकाल.
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जमणी:जबरी चोरी प्रकरणी प्रथम वर्ग न्यायदंडाधिकारी झरी बी.एस.वाढई यांनी आरोपी नामे दत्ता सुरेश लिंगरवार वय ३५ वर्षे रा.सदोबा सावळी ता.आर्णी जि.यवतमाळ यास एक वर्षे १०००/- रुपये दंडाची सश्रम कारावासाची शिक्षा दिनांक ०३/०२/२०२३ रोजी सुनावली आहे.तसेच यापुर्वी सुद्धा झरी न्यायालयाने सदर आरोपीला तीन गुन्ह्यात व मारेगाव न्यायालयाने एका गुन्ह्यात वेगवेगळी शिक्षा सुनावली आहे.
सविस्तर वृत्त असे की.
झरी जामनी तालुक्यातील पोलीस स्टेशन पाटण अंतर्गत फिर्यादि ही राहते.दिनांक ०४.१२.२०१९ रोजी फिर्यादी ही तीचे शेतात एकटी कापुस वेचायला गेली होती सायंकाळी चार ते पाच वाजताचे दरम्यान कापुस वेचत असताना कचरा वाजल्याचा आवाज आल्याने पाठीमागे वळुन पाहिले असता थोड्या अंतरावर एक माणुस दिसला फिर्यादी घाबरून कापसाचा ओटा काढुन ओरडत पळु लागली परंतु प-हाटीला अडकुन खाली पडली असता आरोपीने फिर्यादीचे तोंडात कापुस कोंबुन तीचे गळ्यातील सोन्याचे डोरले व नगदी ४००/- रु. घेवुन पळुन गेला वरुन फीर्यादी पतीसह पोलीस स्टेशनला जावुन घटनेची तक्रार दिली.
वरुण पोलीसांनी आरोपी विरूद्ध भादवीचे कलम ३९२ अंतर्गत गुन्हा नोंद केला व सदर गुन्हाचा तपास जमादार रमेश पिदूरकर ब.न.८०९ यांनी करून प्रकरणात आरोपीस अटक करुन प्रकरण न्यायप्रविष्ठ केले प्रकरणात सरकारी पक्षाचे वतीने फिर्यादी,तपास अधिकारी यांचे सह सात साक्षदारांचे पुरावे नोंदविण्यात आले साक्षदाराचे बयाण ग्राह्य धरुन न्यायालयाने आरोपींस वरील प्रमाणे शिक्षा सुनावली यात सरकारी पक्षाचे वतीने सहाय्यक सरकारी वकील पी.डी.कपुर व ठाणेदार संदीप पाटील यांचे मार्गदर्शनाखाली कोर्ट पैरवी जमादार मारोती टोंगे व नापोका संतोष मडावी यांनी काम पाहीले.
