तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामनी येथे जागतिक महिला दिनाचे औचित्य साधून झरी तालुक्यातील शिवसेना उद्धव गटाकडून उद्धव गटाच्या ज्योतीताई बिजगुणवार नगरपंचायत झरी नगराध्यक्ष यांच्या नेतृत्वामध्ये तहसीलदार गिरीश जोशी यांचे मार्फत पंतप्रधान नरेंद्र मोदी भारत सरकार यांना निवेदन देऊन निषेध करण्यात आला.
नुकतेच केंद्र सरकारने घरगुती गॅसचे अनुदान ५० रुपये वाढविले व विनाअनुदानित गॅस दर ३५० रुपये वाढविले आहे. त्यामुळे ग्रामीण भागातील व शहरी भागातील नागरिकांचे दरवाढीमुळे विशेषता गृहिणीचे बजेट बिघडले आहे.दिवसेंदिवस गॅसची दरवाढ होत असल्याने नागरिकांना त्रास सहन करावा लागत आहे.तेव्हा गॅसची दरवाढ त्वरित मागे घेण्यात यावी व इतर महागाई कमी करण्यात यावी असे निवेदन देण्यात आले.
यावेळेस शिवसेना उद्धव गटाचे पदाधिकारी सुरेखा प्रवीण भोयर,वैशाली संतोषराव माहुरे,विमल पंढरी उपरे,सुनंदा विनोद उपरवार,शितल अशोक पंधरे,निलेश बेलेकर,चंद्रकांत घगुल झरी तालुकाप्रमुख विनोद उपरवार,अनिल देगरवार,विनोद टोंगे,विजय पानगंटीवार,सतीश आदेवार,प्रवीण भोयर,रवींद्र नखाते,पवन ऊपरे,दयाकर गेडाम व शिवसेना उद्धव गटाचे पदाधिकारी व कार्यकर्ते मोठ्या संख्येने उपस्थित होते.
