निंबाळा फाट्याजवळ झाला होता अपघात
सुरेश पाचभाई मारेगाव
निंबाळा फाट्याजवळ पहापळ येथील दोन मित्रांचा अपघात झाला होता.त्या दोन्ही मित्रांचा शनिवारी मृत्यू झाला.या घटनेने तालुक्यातील पहापळ येथे शोककळा पसरली आहे.
वणीवरून आपले काम आटोपून पहापळ येथे परत येत असताना पहापळ येथील विजय संभाजी थेरे वय अंदाजे 35 वर्ष व नितीन खुशाल पायघन वय अंदाजे 28 वर्ष या दोन मित्रांचा MH 31 X 340 या हिरो होंडा एस एस दुचाकीचा दि.7 जानेवारीला निंबाळा फाट्याजवळ अपघात झाला होता.
या अपघातात विजय आणि नितीन दोघेही गंभीर जखमी झाले होते.या दोघांनाही नागपूर येथे उपचारासाठी हलविण्यात आले होते.तेथे त्यांच्यावर उपचार सुरू असतानाच दोघांनीही शनिवारी अखेरचा श्वास घेतला.एकाच गावातील दोघांचाही एकाच दिवशी मृत्यू झाल्यामुळे पहापळ सोबतच अख्या तालुक्यामध्ये हळहळ व्यक्त केल्या जात आहे.
यातील विजय थेरे याला एक मुलगी असून नितीन पायघन हा अविवाहित होता.दोघांवर शनिवारी पहापळ येथे अंत्यविधी करण्यात आला.जनावर आडवे गेल्याने हा अपघात झाल्याचे बोलले जात आहे. तर काही जण अज्ञात वाहनाच्या धडकेमुळे अपघात झाल्याचे सांगतात.
