सुमित गेडाम यांनी अप्पर आदिवासी आयुक्त विभाग अमरावती यांना निवेदनाच्या माध्यमातून मागणी केली आहे.
बोटोनी प्रतिनिधी:-
मारेगाव तालुक्यातील बोटोनी येथील गेल्या सुमारे 20 वर्षा पासून प्राथमिक आरोग्य केंद्राची मागणी होत आहे .पण प्रशासनाचे या गंभीर बाबीकडे साफ दुर्लक्ष होत असल्याचे चित्र दिसत आहे बोटोनी परिसरात नव्वद टक्के आदिवासी समाज बांधव वास्तव्यास आहे. गेल्या वीस वर्षा पासून या परिसरातील जनतेला आर्थिक कळ सोसावी लागत आहे.
कारण या परिसराचे प्राथमिक आरोग्य केंद्र हे कुंभा परिसरातल्या गावांचे सुमारे अंतर कुंभ्या पासून 20 ते 25 कि.मी. आहे त्या मुळे आर्थिक झळ आणि वेळेत न पोचू शकल्या मुळे रुग्णांना होणाऱ्या मरण यातना या असह्य आहे त्यामुळे प्रशासनाने या गंभीर बाबी कडे लक्ष केंद्रित करणे गरजेचे आहे.
बोटोनी येथे प्राथमिक आरोग्य केंद्राची मागणी काल दिनांक 4 जुन 2022 रोज उमरी येथे प्रोजेक्ट ऑफिस तर्फे आदिवासी नृत्य स्पर्धा होती त्या निमित्ताने आयुक्त आले होते. अखिल भारतीय आदिवासी विकास परिषदेचे तरुण तळफदार तालुका अध्यक्ष सुमित गेडाम यांनी अप्पर आयुक्त आदिवासी विभाग अमरावती यांना निवेदनाच्या माध्यमातून केली आहे. यावेळी उपस्थित विकास परिषदेचे तालुका कार्याध्यक्ष भैय्याजी कनाके उपाध्यक्ष राजू सिडाम उपस्थित होते.
