वणी-यवतमाळ राज्य महामार्गावरील घटना.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील वणी-यवतमाळ राज्य महामार्गावर खडकी बस स्टॉप समोर अँटो पलटी होऊन 12 मजुर जखमी झाले आहे.ते सर्व शिवनाळा येथील असुन नेहमी प्रमाणे अँटोने मारेगाव कडे येत असताना कुत्रा आडवा आल्याने चालकाचे नियंत्रण सुटल्याने अँटो पलटी झाला ही घटना आज दिनांक 26 डिसेंबर 2022 रोज सोमवारला सकाळी 10:30 वाजताच्या सुमारास खडकी बस स्टॉप समोर घडली.
सविस्तर वृत्त असे की.
शिवनाळा येथील महिला मजूर अँटो ने मारेगाव मार्गे गोधणी येथील शेतकामासाठी जात असतांना खडकी बस स्टॉप समोर अँटोला कुत्रा आडवा आल्याने चालकाचे नियंत्रण सुटले व अँटो पलटी झाला.त्या अँटो मध्ये बसलेले बारा मजूर जखमी झाले.
जखमी मध्ये पार्वती रामभाऊ आत्राम (27), शकुली भुतू टेकाम (20) ,अर्चना पैकू आत्राम (17), संगीता भीमा आत्राम (17), मंगला रामेश्वर टेकाम (27), राजाबाई नागो टेकाम (25) , तानेबाई भीमा आत्राम (60), रविना शालीक टेकाम (22), कांता पैकू टेकाम (40), ज्योती सुनील आत्राम (29), अर्चना राजू टेकाम (25) या महिला मजुरांचा समावेश असून राजू टेकाम (42) हा शेतमजूर जखमी आहे.
हे सर्व मजूर मारेगाव तालुक्यातील शिवनाळा येथील रहिवाशी आहे.अपघात होताच रस्त्यांनी ये-जा करण्याऱ्या लोकांनी जखमींना मारेगाव येथील ग्रामीण रुग्णालयात दाखल केले तर गंभीर जखमींना प्राथमिक उपचार नंतर पुढील उपचाराकरिता यवतमाळ येथे हलविण्यात आले. या प्रकरणाचा पुढील तपास मारेगाव पोलीस करत आहे.