लग्नाचे आमिष देऊन शोषण केल्याची तक्रार.
सुरेश पाचभाई मारेगांव:नातेवाईकांच्या घराजवळ राहणाऱ्या एका मुलीला लग्नाचे आमिष देऊन लैंगिक शोषण केले.चार वर्षानंतर जेव्हा मुलीने लग्नाची गळ घातली तेव्हा मुलाने चक्क हात वर केले.त्यामुळे खोट्या प्रेमाच्या आणाभाकांना कंटाळलेल्या मुलीने अखेर मारेगांव पोलीस ठाणे गाठत तक्रार दाखल केली.
मारेगांव येथील एका 23 वर्षीय युवतीचे व गणेशपूर (वणी) येथील 24 वर्षीय युवक यांचे 4 वर्षांआधी पासुन प्रेम सबंध होते.प्रेमाला उपमा नाही असे म्हणतात ते खरेच.प्रेमामध्ये काय होईल ते सांगता येत नाही.अशीच एक घटना घडली आहे.
मुलींच्या घराजवळ त्या मुलाचे नातेवाईक राहते.तो नातेवाईकांकडे वणी तालुक्यातील गणेशपूर येथील अंकित हनुमान सोयाम वय 24 वर्षे हा नेहमी यायचा.त्याचे बाजुच्या मुलीशी बोलणे वाढले.त्यातूनच प्रेम संबंध वाढले.त्यामुळे त्याचेही येणेजाणे वाढले. प्रेम बहरायला लागले.यातून शारीरिक ओढ निर्माण झाली.अशातच लग्नाच्या आणाभाका घेतल्या.पाहता पाहता चार वर्षे उलटली.
आणि एक दिवस मुलीच्या घरी कोणीही नसताना हा तिला भेटायला जायचा दरम्यान दिनांक 29 जानेवारी 2023 ला तो नेहमीप्रमाणे प्रियकर हा प्रेयसीच्या घरी आला.त्याने बळजबरीने मुलीशी शारीरिक संबंध ठेवले. आणि मी तुझ्याशी लग्न करीत नाही असे सांगितले.आणि तुझे आईवडील माझे काहीही करत नाही अशी धमकी दिली.
चार वर्षाचे प्रेम असे तुटतांना पाहतांना मुलीच्या ह्रदयाचा तीळपापड झाला.तिने ही घटना आपल्या आईवडिलांना सांगीतली व मुलीने पालकाला सोबत घेवुन थेट मारेगांव पोलीस ठाणे गाठले. व तक्रार दाखल केली.झालेल्या प्रकरणावरून पोलिसांनी प्रियकर आरोपी अंकित हनुमान सोयाम वय 24 वर्ष यांचेवर लैंगिक अत्याचार कलम 376,376 (3) 506 भा.द.वि.नुसार गुन्हा दाखल करण्यात आला असुन आरोपीला अटक करण्यात आली आहे. या प्रकरणाचा पुढील तपास ठाणेदार राजेश पुरी यांचे मार्गदर्शनाखाली जमादार रामकृष्ण वेट्टे करीत आहे.
