वाघाच्या हल्ल्यात गाय ठार.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील शिवणाळा येथील शेतशिवारात काल दिनांक 3 मार्च 2023 रोज शुक्रवारला रात्रीच्या सुमारास ही घटना घडली आहे. शेतकरी आज दिनांक 4 मार्च 2023 रोज शनिवारला सकाळी शेतात गेले असता घटना उगडकिस आली.पुन्हा परिसरात वाघाने एंट्री केल्याने परिसरात भीतीचे वातावरण निर्माण झाले आहे.
सध्या शिवणाळा परिसरातील व गावातली अनेकाने उन्हाळा असल्याने आपआपले पशुधन शेतातली गोठ्यात बांधण्यास सुरुवात केली आहे. त्यातच शिवणाळा येथील शेतकरी कांन्हु लेतु आत्राम रा.शिवणाळा यांचे शेत गट नंबर 58 मध्ये नेहमी प्रमाणे गाय बांधलेले होती त्यांचे कडे 12 एकर शेती आहे.यांच्या मालकीहक्काची गाय ही शिवणाळा जंगला जवळील शेतशिवारात गोठ्यात बांधुन होती.
अशातच रात्रीच्या सुमारास दबा धरुन बसलेल्या वाघाने गायीवर हल्ला चढवून ठार केल्याची घटना दिनांक 3 मार्च 2023 रोज शुक्रवारला रात्रीच्या सुमारास घडली असुन ती आज सकाळी शेतकऱ्याचा निदर्शनास येताच घटना उघडकीस आली मालकाने त्वरीत वन विभागाला घटनेच्या संदर्भात माहिती दिली.वन विभागाच्या कर्मचाऱ्यांनी घटनास्थळी येवुन पंचनामा सुरू केला आहे.
शेतकरी पशुधन मालक कांन्हु लेतु आत्राम यांच्या मालकीची गाय असल्याची माहिती प्राप्त झाली आहे.गाईचा वाघाने पडशा पडल्याने शेतकऱ्याचे मोठे नुकसान झाले आहे.परिसरात पुन्हा वाघाचे आगमन झाल्याने वन विभागाने त्वरित वाघाचा बंदोबस्त करावा असे नागरिकांकडून बोलल्या जात आहे.
प्रतिक्रिया..
शिवणाळा परीसरात वाघ आहे. “जनजागृती” जंगलात मोहफुल गोळा करण्यासाठी जात असेल तर सकाळी लवकर जावू नये कारण वन्य प्राण्यांच्या धोका असतो.जंगलात जात असताना सावधगिरी बाळगावी जंगलाला आग लावू नये.मोहफूल गोळा करण्यासाठी झाळा खालची जागा झाडून सफा करावी आग लावू नये आग लागल्यास विझवण्यास मदत करावी असे आवाहन शंकर ग. हटकर वनपरिक्षेत्र अधिकारी मारेगाव यांच्या तर्फे करण्यात आले आहे.