तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी (जामनी) प्रथमतःच या वर्षापासूनच जाहीर झालेला “लाईनमन दिवस”चार मार्च रोजी महावितरणच्या झरी उपविभागात मोठ्या उत्साहाने साजरा करण्यात आला.
विजेसारख्या अती महत्वाच्या क्षेत्रात जिवाची बाजी लावून अहोरात्र वीजपुरवठा सुरळीत ठेवणार्या लाईनमन प्रती कृतज्ञता व्यक्त करण्यासाठी 4 मार्च हा दिवस “लाईनमन दिवस” म्हणून पाळण्याचे शासनाने ठरविले आहे.
जामणी येथील महाकाली मंदिर परिसरातील पटांगणात मुकुटबन,घोन्सा व पाटण या तीनही वीज वितरण केंद्रातील व झरी उपविभागातील सर्व कर्मचाऱ्यांनी मिळून हा कार्यक्रम साजरा केला.यावेळी उपकार्यकारी अभियंता मांगीलाल राठोड यांनी लाईनमन भास्कर देवगडे,अरविंद कापसे,राम गोवारदीपे यांचेसह सर्व कर्मचाऱ्यांचा शाल व श्रीफळ देऊन सत्कार केला.
उपस्थितांनी मनोगत व्यक्त करतांना वीज ग्राहकास चांगल्यात चांगली सेवा देऊन भविष्यातील ऊर्जा क्षेत्रातील आव्हाने पेलण्याचा संकल्प केला.या कार्यक्रमास सहाय्यक अभियंता हेमंत लटारे,पंकज नंदलवार व सचीन महल्ले उपस्थित होते.
