प्रत्यक्ष भेटून जनतेच्या समस्या घेतल्या जाणून
सुरेश पाचभाई मारेगाव
मारेगाव नगर पंचायतयचे मुख्याधिकारी( गट अ) श्री.शशिकांत मा. बाबर (म.श.प्र.से) नगरपंचायत मारेगाव यांच्या संकल्पनेतून “मुख्याधिकारी आपल्या दारी” ह्या अभिनव उपक्रमास सुरवात करण्यात आली असुन
सदर उपक्रमांतर्गत काल दिनांक 8 फेब्रुवारी 2025 रोज शनिवारला प्रभाग क्रमांक 10 मधील नागरिकांच्या समस्या मुख्याधिकाऱ्यांनी जाणून घेतल्या.तक्रारीची नोंद घेण्यात आली.व सदर समस्या तातडीने सोडवण्याचे कर्मचाऱ्यांना आदेश दिले.
सदर उपक्रमांतर्गत नागरिकांच्या भेटीदरम्यान नागरिकांना नियमित कर भरणा करण्यासाठी व स्वच्छतेबाबत जनजागृती संदेश देण्यात आले.नागरिकांनी सार्वजनिक रस्त्यावरील केलेले अतिक्रमण हटवण्याबाबत देखील नागरिकांना सांगण्यात आले.
तसेच शहर सुंदर व स्वच्छ ठेवण्यासाठी नागरिकांची भूमिका अधिक महत्वाची असल्याने नागरिकांशी प्रत्यक्ष भेटून त्यांच्या शहर विकासाच्या संकल्पना जाणून घेण्याच्या दृष्टीने प्रत्येक पंधरवाड्यात एक प्रभाग याप्रमाणे हा उपक्रम असाच चालू राहील.
