एकाच नंबरसाठी दाबावी लागते तीनवेळा बटन.
सुरेश पाचभाई मारेगाव:- तालुक्याचे ठिकाणी असलेल्या ए.टी.एम.(ATM) मशीन केवळ शोभेची वस्तू बनलेली आहेत. एकाच नंबरसाठी एकच बटन तीनतीनदा दाबावे लागत असून एक नंबर दाबला असता दुसराच नंबर स्क्रिनवर येत असल्याने तालुक्यातील जनतेची डोकेदुखी वाढलेली आहे.
त्यामुळे ग्राहकांना विनाकारण मनस्ताप सहन करावा लागत आहे.मारेगाव तालुक्याचा पसारा हा 105 गावामध्ये पसरलेला आहे.नागरिकांना येथे असलेले दोन्ही एटीएम कधी बंद तर कधी कॅश नसल्याने ए.टी.एम (ATM)ची सेवा विस्कळीत होत असते.यामुळे एटीएम कार्ड धारक ग्राहकांना या विस्कळीत सेवेचा मनस्ताप सहन करावा लागत आहे.
मारेगाव शहरात स्टेट बँक ऑफ़ इंडिया व सेंट्रल बँक ऑफ़ इंडिया चे केवळ दोन एटीएम.मशीन आहे.परंतू सेंट्रल बैंक ऑफ़ इंडियाचे ए.टी.एम.मागिल काही महिन्यापासून बंद असून स्टेट बँक ऑफ इंडिया चे ए.टी.एम.सुरु असले तरी त्यामध्ये रोख रक्कम नसणे तसेच त्या ए.टी.एम. मशीनवरील बटनाच दबल्या जात नसून त्यामुळे अनेकवेळा चुकीचे आकडे समोर येतात यामुळे ग्राहकांना पैसे काढताना गोंधळ निर्माण होतो त्यामूळे व्यवहार होण्यास अडचणी येत आहे.
संबधित यंत्रणेने लक्ष देऊन ए.टी.एम.सेवा सुरळीत करावी अशी मागणी ए टी एम धारक ग्राहक मागणी करत आहे.
