हिवरा (मजरा) येथील घटना
सुरेश पाचभाई मारेगाव
मारेगाव तालुक्यात आत्महत्या रोखण्यासाठी प्रशासना कडून ठोस उपाय योजना केल्या जात नाही.तालुक्यात आत्महत्या थांबण्याचे नाव घेत नाही.हिवरा (मजरा) येथील एका 35 वर्षीय युवा शेतकऱ्यांने बोरीच्या झाडाला दोराच्या सहाय्याने गळफास घेऊन आत्महत्या केल्याची घटना काल दिनांक 14 जानेवारी 2025 रोज मंगळवारला सायंकाळी 7 वाजताच्या सुमारास घटना उघडकीस आली.
सविस्तर वृत्त असे की..
प्रवीण उर्फ गणपत सुदामजी ताजणे वय सुमारे 35 वर्ष रा.हिवरा (मजरा) ता.मारेगाव असे गळफास घेऊन आत्महत्या केलेल्या युवा शेतकऱ्याचे नाव असुन त्याच्या कडे 3 एकर शेती असल्याची माहिती आहे.तो शेती करुन आपल्या कुटुंबाचा उदरनिर्वाह करायचा.बातमी लीहिपर्यंत आत्महत्येचे नेमके कारण कळू शकले नाही.
प्रवीण उर्फ गणपत हे काल नेहमीप्रमाणे शेतात जनावरांना चारा पाणी करण्यासाठी जातो असे घरी सांगून ते शेतात गेले होते.शेतात गेल्यानंतर त्यांनी स्वतःचे शेतातील बोरीच्या झाडाला दोराच्या सहाय्याने गळफास घेवून आत्महत्या केली.
बराच वेळ होऊन सुद्धा मुलगा घरी परत न आल्यामुळे काही नातेवाईकानी शेतात जाऊन त्याचा शोधा-शोध केला असता ही बाब कुटुंबियांच्या निदर्शनास आल्यानंतर त्यांनी या घटनेची माहिती लगेच मारेगाव पोलिसांना दिली. माहिती मिळताच पोलीस घटनास्थळी दाखल झाले.
पंचनामा करुन शव उत्तरीय तपासणी साठी मारेगाव येथील ग्रामीण रुग्णालयात हलविण्यात आले आहे.मृतक शेतकरी प्रवीण उर्फ गणपत यांचे पश्चात आई,वडील,पत्नी,एक मुलगी,एक विवाहित बहीण,असा आप्त परिवार आहे.या प्रकरणाचा पुढील तपास ठाणेदार संजय सोळंके यांचे मार्गर्शनाखाली जमदार भालचंद्र मांडवकर करीत आहे.
