नवरगाव (धरण) येथील घटना
सततच्या आत्महत्येने समाजमन सुन्न
सुरेश पाचभाई मारेगाव,
मारेगाव पोलीस स्टेशन हद्दीत येत असलेल्या नवरगाव येथे घरी कोणीच नसल्याचे पाहून एका युवकाने आपल्या राहत्या जुन्या घरी आत्महत्या केल्याची घटना आज दिनांक 31 मे 2025 रोज शनिवारला सकाळी 11.45 वाजताच्या सुमारास उघडकीस आली.
शुभम तुळशीराम करलुके वय 31 वर्षे रा.नवरगाव (धरण) ता.मारेगाव असे आत्महत्या केलेल्या युवकाचे नाव आहे.
शुभमच्या आईच्या नावे घरकुल आलेले आहेत. त्यामुळे त्यांनी आपले घर बांधकामासाठी खोलले असून ते बाजूच्या घरी किरायाने राहत होते.आई काही कामानिमित्त बाहेर गावला गेलेली होती. शुभम आणि त्याचा भाऊ हे दोघे घरी होते.आई नसल्याने शुभमचा भाऊ हा नळावर पाणी भरण्यासाठी गेला होता.
अशातच शुभमने आपल्या खोललेल्या जुन्या घरी डिशच्या केबलने आत्महत्या केली.सदर घटना सकाळी 11.45 वाजता उघडकीस आली.
शुभम हा अविवाहित होता.तो तलावमध्ये मासळी पकडण्याचे काम करायचा.
शुभमने आत्महत्या का केली हे अजूनही स्पष्ट नाही. शुभमचा मृतदेह शव विच्छेदनासाठी मारेगाव येथील ग्रामीण रुग्णालय येथे पाठविण्यात आला आहे.शुभमच्या पश्चात आई,वडील,भाऊ,विवाहित बहीण असा आप्त परिवार आहे. शुभमच्या आत्महत्येचा पुढील तपास ठाणेदार संजय सोळंके यांचे मार्गदर्शनात दिगंबर किनाके करीत आहे.
