सुरेश पाचभाई मारेगाव
मारेगाव तालुक्यातील बोटोणी येथे दिनांक २४ जानेवारी २०२६ रोजी जगन्नाथ मंदिर सभागृहात तालुका कृषी अधिकारी कार्यालय, मारेगाव यांच्या वतीने राष्ट्रीय अन्न सुरक्षा व गलितधान्य योजनेंतर्गत शेतकरी प्रशिक्षण कार्यक्रमाचे आयोजन करण्यात आले.
हा कार्यक्रम तालुका कृषी अधिकारी कु. दीपाली खवले व मंडळ कृषी अधिकारी श्री. किशोर डोंगरकर यांच्या मार्गदर्शनाखाली संपन्न झाला. प्रशिक्षणात शेतकऱ्यांना काढणीपश्चात तंत्रज्ञानाचा वापर, पीक संरक्षण उपाययोजना, नैसर्गिक शेती, फळबाग लागवड, बांबू लागवड व उत्पादन तंत्रज्ञान याबाबत सविस्तर मार्गदर्शन करण्यात आले.
तसेच सेंद्रिय शेतीचा अवलंब करण्यासाठी प्रोत्साहन देत सेंद्रिय शेतीसाठी आवश्यक निविष्ठांची माहिती देण्यात आली.
या कार्यक्रमास तालुका कृषी अधिकारी कु. दीपाली खवले, उप कृषी अधिकारी श्री. विनायक जुमनाके, श्री. सनथ खोसाळकर तसेच मोठ्या संख्येने शेतकरी भगिनी व बांधव उपस्थित होते. प्रशिक्षणामुळे शेतकऱ्यांना आधुनिक व शाश्वत शेती पद्धतींबाबत मार्गदर्शन मिळाल्याने समाधान व्यक्त करण्यात आले.