#TDF द्वारा रॅलीच्या माध्यमातून जनजागृती
ज्ञानेश्वर आवारी झरी,जामणी
झरी,जामणी आपत्ती व्यवस्थापन क्षेत्रात कार्य करण्यासाठी अधिकृत व नोंदणीकृत असलेल्या टीडीआरएफ ला दि. ९ मे रोजी १८ वर्षे पूर्ण होत आहे. त्यानिमित्त १ ते ९ मे या कालावधीत टीडीआरएफ वर्धापन दिन महोत्सव साजरा करण्यात येत आहे.
त्या अनुषंगाने दि.३ मे २०२३ रोजी मुकुटबन कंपनी (शाखा) च्या जवानांकडून TDRF संचालक हरिश्चंद्र ब. राठोड यांच्या मार्गदर्शनात स्त्री भ्रूण हत्या व बेटी बचाव बेटी पढाओ व पर्यावरण संवर्धन विषयी रॅली च्या माध्यमातून नागरिकांमध्ये जनजागृती करण्यात आली.
सकाळी रॅली काढण्यात आली या रॅलीची सुरुवात आदर्श हायस्कूल येथून प्राचार्य एस.एम डोंगरगरे यांच्या हस्ते करण्यात आली. त्यानंतर ही रॅली शहरातील प्रमुख मार्गांनी भ्रमण करीत नागरिकांमध्ये स्त्री भ्रूण हत्या व बेटी बचाव बेटी पढाओ,स्वच्छता अभियान, पर्यावरण संवर्धन या संदर्भात वेगवेगळे नारे देऊन जनजागृती केली.
सदर रॅलीमध्ये स्त्री भ्रूण हत्या या विषयी संपूर्ण माहिती देण्यात आली.त्यासंबंधित असणारे कायदे त्यामुळे समाजावर त्याचा होणाऱ्या परिणाम सोबतच पर्यावरण वाचवा,जीवन वाचवा या विषयी मार्गदर्शन करून उपस्थित नागरिकांमध्ये जनजागृती करण्यात आली.सदर रॅलीचा समारोप ग्रामपंचायत मुकुटबन येथे करण्यात आला.सदर रॅलीचे नागरिकांकडून कौतुक करण्यात आले.
दि. १ मे ते ९ मे या कालावधीत संपूर्ण राज्यात TDRF वर्धापन दिन महोत्सव विविध सामाजिक उपक्रम राबवून साजरा करण्यात येत आहे.या मध्ये प्राणी व पक्ष्यांसाठी पाणपोई, विविध सार्वजनिक ठिकाणी स्वच्छता अभियान, वृक्षारोपण,आपत्ती व्यवस्थापन विषयी जनजागृती असे विविध उपक्रम राबविण्यात येणार आहेत.
सदर रॅलीसाठी टी.डी.आर.एफ. मुख्य क्षेत्रीय अधिकारी मुस्कान सय्यद,निकिता राऊत,वैष्णवी मंदावार,समीक्षा महाकुलकर,राजश्री बोधे,हर्षाली मालेकार,निशा मंदुल्वार,राणी बरडे,अनोखी माहुरे,नंदिनी दुर्लावार,वेदिका येरकाळे,गणेश बुरांडे,रोहिणी लेंगुने,श्रुती बोंडे,संघम पारेलवार,प्रेम सातपुते,स्नेहा मडावी,दुर्गा डाखरे,वास्ती कुळमेथे,लीना ठाकरे, तेजस्वी पानघाटे,अनुश्री येठे, नम्रता सोनेकार, काजल वाडके, गणेश सोनटक्के इत्यादी टीडीआरएफ अधिकारी व जवानांनी परिश्रम घेतले. रॅलीसाठी आदर्श हायस्कूल चे रजत आसावार व पाटील उपस्थित होते.
