# कोळशाची ओव्हरलोड वाहतुकीचा नागरिकांना धोका
# अर्धवट टाळपत्री झाकून केली जाते वाहतुक
# रस्त्यावर धुळीचे साम्राज्य
तालुका प्रतिनीधी :-झरी (जामणी) ज्ञानेश्वर आवारी
( 88059 79173)
सविस्तर वृत्त असे की..
झरी जामनी :- मार्की मांगली माईन्स टॉपवर्थ पावर अँड मेटलस् लि. लहान पांढरकवडा व इस्पात मुकूटबन या दोन खाजगी कोळसा खाणी आहेत . त्या खाणीत दररोज हजारो टन कोळसा मुकूटबन मार्गे वणी नागपूर चंद्रपूर कडे नेण्यात येत आहे . यासाठी दररोज शेकडो मोठाले ट्रक क्षमतेपेक्षा जास्त कोळसा भरून वाहून नेतात .भरलेल्या ट्रकवर टाळपत्री झाकणे बंधनकारक असतांना टाळपत्री व्यवस्थित झाकून दोराने बांधण्यात येत नाही त्याऐवजी कोपर्यावर चार ठिकणी मोठाले कोळशाचे ढेले ठेवण्यात येत असल्याचे दिसून येत आहे.
रस्त्यावर चालताना वाहनाच्या जवळून जाणाऱ्या दुचाकी , बैलगाडी, जनावर व पायी चालणाऱ्या व्यक्तीवर कोळसा पळण्याची भीती असून त्यांच्या निष्काळजी पणामुळे इतरांना जिव गमाविण्याची वेळ येण्याची शक्यता आहे . मुकुटबन गावात राजेश्वर मंदिरा जवळ चालत्या ट्रक मधून कोळशाचा भलामोठा ढेला खाली पडला .सुदैवाने कोणती जिवीत हानी झाली नाही .
परंतु ओव्हलोड वाहतुकीचा प्रश्न ऐरणीवर आला आहे.नुकतेच बनविलेल्या रोड खडे पडायला लागली आहे . गावात झालेल्या अपघातानंतर मुकुटबन बाजारपेठ असून दिवसा कोळसा वाहतुक बंद करण्यात आली होती . परंतु आता अहोरात्र धोकादायक वाहतूक सुरु असताना वाहतुक पोलीस जाणीवपूर्वक दुर्लक्ष करत असल्याचे दिसून येत आहे..
