सावंगी येथील संगमा वरील घटना.
गजानन आसुटकर मारेगाव.
मारेगांव तालुक्यातील सावंगी येथे देवकार्यासाठी वर्धा नदीवर अंघोळीसाठी गेलेल्या एका युवकाचा काल दिनांक 5 मे 2023 रोज शुक्रवारला सकाळी 7 वाजताच्या सुमारास पाण्यात बुडलेल्या युवकाचा काही तासांनी मृत्यूदेह सापडला तर दोघांना वाचवण्यात यश मिळाले.सदर घटना यवतमाळ,चंद्रपूर जिल्याना जोडणाऱ्या सावंगी येथील संगमावर घडली असून वाहून गेलेल्या व्यक्तीचा शोध काही तास सुरु होता अखेर त्याचा मृतदेह 3:30 वाजताच्या सुमारास सापडला.
मारेगांव तालुक्यातील सावंगी येथे वर्धा आणि वना नदीचा संगम आहे.अनेक जण पवित्र कार्यकरण्यासाठी या संगमावर येत असतात.चंद्रपूर आणि यवतमाळ अशा दोन जिल्ह्यांना जोडणारा हा संगम आहे.चंद्रपूर जिल्ह्यातील नदीकाठावरील दिंदोड़ा घाटावर वरोरा तालुक्यातील बामर्डा येथील एका समाजाचे देवकार्य होते.त्यानिमित्ताने विवेक अमर येडमे वय सुमारे 22 वर्ष असे नदीच्या पात्रात बुडून मृत्यू झालेला युवकाचे नाव असून तो त्यांचा परिवार व आपसी नातेवाईक हे या देवकार्याला आंघोळीसाठी येथील संगमावर जमलेले होते.
त्यासाठी त्यांचे नात्यातील असलेले मारेगाव तालुक्यातील कोसारा येथील येडमे कुटुंबीयही जमलेले होते.वर्धा नदीच्या संगमावर आंघोळीसाठी ते पाण्यात उतरले.परंतु पाण्याचा अंदाज न आल्याने एक जण बुडाला व त्यातील दोघांना वाचवण्यात यश मिळाले होते.परंतु विवेक हा बेपत्ता झाला होता त्याचा शोघ घेण्यासाठी NDRF च्या टीमला चंद्रपूर येथून पाचरण करण्यात आहे. होते काही तासा नंतर त्यांचा मृतदेह आढळला असुन या घटनेची माहिती मारेगाव पोलिसांना मिळताच पोलीस घटनस्थळी दाखल झाले पंचनामा करून त्याला उत्तरीय तपासणी साठी मारेगाव येथील ग्रामीण रुग्णालयात पाठविण्यात आले.या प्रकरणाचा पुढील तपास ठाणेदार राजेश पुरी यांच्या मार्गदर्शनात भालचंद्र मांडवकर, विकास खंदारे करत आहे.
