मारेगांव येथील शेख कुटुंबाचा पडोली येथे अपघात.
एकाच कुटुंबातील चार सदस्य अपघातात ठार झाल्याची माहिती.
सुरेश पाचभाई मारेगांव,
चंद्रपूर जिल्ह्यातील पडोली ते घुगुस राज्य महामार्गापासून काही अंतरावर नागाळा जवळ झालेल्या या भीषण अपघातात मारेगाव येथील शेख कुटुंबावर दुःखाचे डोंगर कोसळले असुन ही दुःखद घटना आज दिनांक 23 जून 2023 रोज शुक्रवारला दुपाच्या सुमारास घडली.या घटनेने गावासह परिसरात सर्वत्र हळहळ व्यक्त होत आहे.
मिळालेल्या माहितीनुसार मारेगाव येथील शानु ऑटोमोबाईल्स व सानिया कोल्ड्रिंक हाऊसचे संचालक युसुफ शेख व रफिक शेख हे दोघे सगे भाऊ सहकुटुंब राजुरा येथील एका विवाह सोहळा आटोपुन आपल्या बोलेरो गाडी क्रमांक MH.29 BC.6321 या गाडीने मारेगाव येथे परत येत असताना हा भीषण अपघात झाल्याची माहिती आहे.
पडोली ते घुगुस राज्य महामार्गावर नागाळा जवळ त्यांचे गाडीचा स्टेरिंग रॉड तुटल्याने गाडी चालकाचे गाडीवरील नियंत्रण सुटून गाडी डिव्हायडरला धडकली.व डिव्हायडर ओलांडुन दुसऱ्या बाजूने येणाऱ्या ट्रकला धडकली.ही धडक इतकी भीषण होती की त्यांचे बोलेरो गाडीचा समोरील भाग पुर्ण चकनाचुर झाला.या अपघात बोलेरो गाडीतील चारही व्यक्ती हे घटनास्थळीच ठार झाले.
शेख युसुफ शेख नबी,शेख रफिक शेख नबी, मुमताज युसुफ शेख,संजीदा रफीक शेख असे अपघातात ठार झालेल्या चारही व्यक्तींची नावे असून या घटनेने शेख कुटुंबावर दुःखाचा कोसळला आहे.मृतक मोठा भाऊ रफीक शेख यांच्या पश्चात एक मुलगा एक मुलगी आहे तर लहान भाऊ युसूफ शेख याच्या पश्चात दोन मुली आहे.या प्रकरणाचा पुढील तपास पडोली पोलीस करत आहे.