वृत्तपत्र पार्सल करणाऱ्या ओमनी कारचा भीषण अपघात.
तालुका प्रतिनिधी:-केळापुर
केळापुर तालुक्यातील कोठोडा येथे आज दिनांक 11 जुलै 2023 रोज मंगळवारला सकाळी 6 वाजताच्या सुमारास
वणी- मारेगांव कडून करंजीकडे जाणाऱ्या ओमनी कारला समोरून येणाऱ्या अज्ञात ट्रकने भीषण धडक दिली यात कारचा चक्काचूर होऊन तीन जन जागीच ठार झाले तर एक गंभीर जखमी झाल्याची दुर्देवी घटना आज सकाळी मारेगांव- करंजी राज्य महामार्गावर असलेल्या कोठोडा पुलाजवळ घडली.
असून सदर कार नागपूर वरून मराठी दैनिक वृत्तपत्र पार्सल घेऊन येणारी ओमनी कार क्रमांक MH. 34 K.1954 ही आज सकाळी वणी- मारेगांव कडून वृत्तपत्र पार्सल देत करंजी कडे जात असताना राज्य महामार्गावर असलेल्या कोठोडा गावा जवळील पुला जवळ समोरून येत असलेल्या अज्ञात भरधाव ट्रक ने कारला जबर धडक दिली.
या अपघातात कारचा समोरील भाग चक्काचूर झाला असुन यात चालकासह 2 प्रवासी एकूण 3 जन जागीच ठार झाले तर एक जन गंभीर जखमी झाला असून त्याला करंजी येथील रुग्णालयात दाखल करण्यात आले आहे.हा भीषण अपघात होताच ट्रक सह चालकाने घटना स्थळावरुन पोबरा केला असुन यात कारचालक किशोर बोरकर रा.आनंद चौक वरोरा जिल्हा चंद्रपूर असल्याची माहिती आहे.बाकी मृतक व जखमी चे नाव बातमी लिहे पर्यंत कळू शकले नाही.
हा अपघात इतका भीषण होता की मृतक अजूनही या भीषण धडकेच्या ओमनी कार वाहनात अडकले आहे.या घटनेची माहिती पांढरकवडा पोलीस मिळताच पोलीस लगेच घटनास्थळी दाखल झाले असून अपघातातील मृतकांना बाहेर काढण्याचे प्रयत्न सुरु आहे. या प्रकरणाचा पुढील तपास पांढरकवडा पोलीस करत आहे.
